សមត្ថកិច្ចនិងពលរដ្ឋជប៉ុនកំពុងប្រឹងប្រែងប្រឈមមុខព្យុះJebi ដែលជាព្យុះមួយខ្លាំងបំផុតបានវាយប្រហារប្រទេសនេះក្នុង អំឡុង២០ឆ្នាំកន្លងមក។
បច្ចុប្បន្ន ព្យុះJebi កំពុងចលនានៅតំបន់សមុទ្រប៉ាស៊ីហ្វិកភាគខាងត្បូងកោះHonshu របស់ជប៉ុនក្នុងល្បឿន២០គីឡូម៉ែត្រក្នុង១ម៉ោង កម្លាំងកៀកស្នូរព្យុះឡើងដល់២៣៤គីឡូម៉ែត្រក្នុងមួយម៉ោង។
តាមការព្យាករណ៍ ព្យុះJebiនឹងឡើងដល់ដែនគោកចំកោះ Shikoku ឬជ្រោយកោះ Kii នៅថ្ងៃទី៤ខែកញ្ញា រួចរំលងសមុទ្រជប៉ុន ហើយចុះខ្សោយបន្ដិចម្ដងៗ។តាមស្ថាប័នឧតុនិយមជប៉ុន ប្រសិនបើល្បឿននិងកម្លាំងខ្យល់នៅ រក្សាដដែលនោះ ព្យុះJebi អាចជាព្យុះខ្លាំងបំផុតដែលវាយប្រហារជប៉ុនគិតពីឆ្នាំ១៩៩៣ ហើយតំបន់នេះនឹងត្រូវរងទទួល កម្លាំងខ្យល់ដល់ទៅ២១៦គីឡូម៉ែត្រក្នុងមួយម៉ោង ហើយបរិមាណភ្លៀងអាចកើនដល់១៥០មិល្លីម៉ែត្រ។
កងកម្លាំងសមត្ថកិច្ចបានទូន្មានពលរដ្ឋឱ្យនៅក្នុងផ្ទះ ហើយត្រៀមខ្លួនសម្រាប់ការជម្លៀសប្រសិនមានការជន់លិចនិងបាក់ដី។ក្រុមហ៊ុនអាកាសចរណ៍និងដឹកជញ្ជូនផ្លូវដែកក៏មានគម្រោងនឹងផ្អាកសកម្មភាពនៅថ្ងៃទី៤កញ្ញានេះដែរ៕
លីសា
