Ford បានរៀបចំផែនការផលិតស៊េរីរថយន្ដ Focus Active SUV ថ្មី នាប្រទេសចិននាឆ្នាំក្រោយនេះ រួចទើបបញ្ជូនវាមកកាន់ទីផ្សារអាមេរិក។
ប៉ុន្ដែដោយសារបញ្ហាពន្ធដារ ដែលរដ្ឋការTrump សំដៅលើរថយន្ដនាំចូលពីប្រទេសចិន ធ្វើឱ្យផែនការដំឡើងរថយន្ដនៅចិន រួចនាំផលិតផលសម្រេចមកកាន់អាមេរិកអាចធ្វើឱ្យមានការខាតបង់។លទ្ធផលគឺក្រុមហ៊ុនបង្ខំចិត្តបោះបង់ចោលការផលិត ស៊េរីរថយន្ដថ្មីនេះ ហើយក្រុមហ៊ុនត្រូវបន្ដលក់គំរូរថយន្ដFord sedan ដែលជាស៊េរីចាស់។
ព្រោះថាការផលិតប្រភេទរថយន្ដតូចនៅអាមេរិកពុំមានចំណេញឡើយ ព្រោះតែបៀវត្សមានកម្រិតខ្ពស់ជាងច្រើន ប្រៀប ទៅនឹងបៀវត្សនៅម៉ិកស៊ិកូនិងចិន។
រដ្ឋការTrump ទើបព្រមព្រៀងជារួមជាមួយម៉ិកស៊ិកូកាលពីដើមសប្ដាហ៍ ដោយរថយន្ដអាមេរិកដែលផលិតនៅប្រទេសនេះ នឹងពុំរងអត្រាពន្ធខ្ពស់ពេលដឹកជញ្ជូនចូលមកអាមេរិក។ក្នុងពេលជាមួយគ្នានោះក្រុងវ៉ាស៊ីនតោនបានប្រកាសកម្រិតពន្ធថ្មី ដល់ទៅ២៥ភាគរយចំពោះប្រភេទមុខទំនិញនាំចូលច្រើនយ៉ាងពីប្រទេសចិន៕
សូយន
