មនុស្សយើងម្នាក់ៗសុទ្ធតែធ្លាប់ឆ្លងកាត់ការប្រែប្រួលនៃរូបរាងកាយ និងទម្រង់មុខ ចាប់ពីកុមារទៅ មនុស្សពេញវ័យ។ អ្នកខ្លះកើតមកមានរូបរាងស្អាត ខណៈអ្នកខ្លះទៀតមានរូបរាងមិនសូវគួរឲ្យស្រឡាញ់។ ចំណែកក្មេងស្រីជនជាតិកូរ៉េខាងត្បូងម្នាក់នេះ ហាក់ទទួលបានពរពីព្រះលើសគេ ដោយកើតមានមកមានរូបឆោមស្រស់ស្អាត លើសក្មេងៗដទៃ។
ក្មេងស្រីដ៏គួរឲ្យស្រឡាញ់ និងមានរូបសម្ផស្សដ៏ស្រស់ស្អាតម្នាក់នេះមានឈ្មោះថា Kim Gyu Ri។ នាងមានអាយុទើបតែ ១០ឆ្នាំប៉ុណ្ណោះ ប៉ុន្តែនាងបានក្លាយជាតារាម៉ូឌែលបង្ហាញម៉ូតសំលៀកបំពាក់ម៉ាកល្បីនៅក្នុងប្រទេសកូរ៉េខាងត្បូង។
នាងកើតថ្ងៃទី ១៥ ខែកញ្ញា ឆ្នាំ ២០០៨ ក្នុងប្រទេសកូរ៉េខាងត្បូង។ នាងមានទម្រង់មុខស្រស់ស្អាត និងភ្នែកធំៗគួរឲ្យស្រឡាញ់។ នាងបានក្លាយជាតារាម៉ូឌែលតាំងពីនាងនៅតូចម្លេះ ដោយសារតែសម្រស់គួរឲ្យខ្នាញ់របស់នាង។
ក្មេងស្រី ដែលមានទេពកោសល្យម្នាក់នេះ ត្រូវបានអ្នកប្រើប្រាស់បណ្តាញសង្គមសរសើរគ្រប់ៗគ្នាពីសម្រស់ធម្មជាតិរបស់នាង ហើយពួកគេបានធ្វើការព្យាករណ៍ថា ក្មេងស្រីតូចម្នាក់នេះ អាចនឹងក្លាយទៅជាតារាដ៏ល្បីនៅថ្ងៃអនាគតនៅក្នុងប្រទេសកូរ៉េខាងត្បូង៕ សុភ័ក្ត្រ
ប្រភព៖ Good Times
