បុរសម្នាក់បានប្តឹងមជ្ឈមណ្ឌលបង្កើតគភ៌សិប្បនិម្មិត (IVF) នៅរុស្ស៊ី ក្រោយពេលដឹងថា ភរិយារបស់ខ្លួនបានប្តូរស្ពែមនៅអំឡុងពេល IVF ។
Maxim Anokhin បានដឹងថា កូនប្រុសជាទីស្រឡាញ់អាយុ ១ឆ្នាំ របស់ខ្លួនពុំមែនជាកូនបង្កើត បន្ទាប់ពីទំនាក់ទំនងរវាងលោកនិងភរិយា Yana Anokhina អាយុ ៣៨ឆ្នាំ បានបែកបាក់ ។
គ្រួសាររបស់ Anokhin ពេលកំពុងសុភមង្គល ។
មុននោះ ស្រីជាប្រពន្ធបានចរចារជាមួយមជ្ឈមណ្ឌលសុខាភិបាល Kulakov នៅមូស្គូថា នាងចង់ឲ្យបុរសដែលនាងស្រឡាញ់ក្លាយជាឪពុករបស់ក្មេងនោះ ហើយឲ្យ Maxim ជាអ្នករ៉ាប់រងសោហ៊ុយ ។
តាមបំណងរបស់ Yama បុគ្គលិកនៅមជ្ឈមណ្ឌលនេះ បានជួយប្តូរស្ពែម ។ ក្រោយពីមានលទ្ធផលពិនិត្យ DNA បញ្ជាក់ថា ក្មេងប្រុសនេះពុំមែនជាកូនរបស់ខ្លួន Maxim ក៏ដាក់ពាក្យប្តឹងមជ្ឈមណ្ឌលសុខាភិបាល Kulakov ហើយទទួលបានសំណង 400.000 រ៉ូប (ប្រមាណជាង ៦៥០០ដុល្លារ) ។
Kulakov លោកពោលថា ៖ “ខ្ញុំជឿជាក់លើប្រពន្ធ ហើយខ្ញុំពិតជាស្លុតចិត្តរកទីបំផុត នៅពេលដឹងការពិត” ។ ពេញ១ឆ្នាំហើយ ដែល Maxim ជឿថា ក្មេងប្រុស Timofey នេះ ជាកូនបង្កើតរបស់ខ្លួន ហើយពិតជាស្រឡាញ់វាខ្លាំងណាស់ ។
លោកបញ្ជាក់ថា ៖ ខ្ញុំពុំមែនប្តឹងដើម្បីលុយទេ គឺដើម្បីយុត្តិធម៌ត្រូវបានអនុវត្ត ! ។ ខ្ញុំចង់បើកចំហររឿងនេះ ដើម្បីកុំឲ្យមានប្រុសណាត្រូវគេបោកប្រាស់ដូចជារូបខ្ញុំទៀត! ។
ឥឡូវ Maxim បានមានកូនប្រុសម្នាក់ជាមួយភរិយាក្រោយ ហើយទោះបីជាកំពុងមានសុភមង្គលក្តី តែលោកពុំអាចបំភ្លេចបានក្មេងប្រុសម្នាក់ដែលលោកធ្លាប់ហៅថាកូនៗអស់រយៈពេល១ឆ្នាំមកហើយ ។
ចំណែក Yuna វិញនាងបានវិលទៅរស់នៅជាមួយឪពុកពិតប្រាកដរបស់ក្មេងនេះ ៕ ចន្ទ្រា