ព័ត៌មានខាងលើត្រូវបានរដ្ឋអំណាចរបស់ប្រធានគីម ជុងអ៊ុន ប្រកាសនៅថ្ងៃទី ៤ ខែកញ្ញានេះ ។
ប្រព័ន្ធផ្សព្វផ្សាយរដ្ឋកូរ៉េខាងជើង KCNA ឲ្យដឹងថា សាស្ត្រាចារ្យ និងជាបណ្ឌិតសភា Ju Kyu Chang បានទទួលមរណភាពនៅថ្ងៃទី ៣ ខែកញ្ញា ក្នុងជន្មាយុ ៨៩ឆ្នាំ ព្រោះតែជំងឺ Pancytopenia ។ អត្ថបទព័ត៌មានបានពណ៌នាលោក Ju ជា “ព្រឹទ្ធាចារ្យបដិវត្តន៍ មានវិភាគទានពិសេសចំពោះការអភិវឌ្ឍន៍សមត្ថកិច្ចការពារប្រទេស” ។
លោក Ju Kyu-chang (ទី២រាប់ពីស្តាំ) ។
Ju Kye-chang ធ្លាប់ធ្វើជារដ្ឋមន្ត្រីក្រសួងការពារជាតិកូរ៉េខាងជើង ទទួលបន្ទុកអភិវឌ្ឍន៍កាំជ្រួច និងអាវុធនុយក្លេអ៊ែរ ។ លោកស្ថិតក្នុងបញ្ជីខ្មៅរបស់អាមេរិក តាំងពីឆ្នាំ ២០១៣ ព្រោះចូលរួមក្នុងកម្មវិធីនុយក្លេអ៊ែររបស់កូរ៉េខាងជើង ។ របស់អាមេរិក តាំងពីឆ្នាំ ២០១៣ ព្រោះចូលរួមក្នុងកម្មវិធីនុយក្លេអ៊ែររបស់កូរ៉េខាងជើង ។
តាម Yonhap Ju Kim-Chang ជាអ្នកឃ្លាំមើលការសាកល្បងកាំជ្រួចរយៈចម្ងាយឆ្ងាយ Unha-2 ឆ្នាំ ២០០៩ រួមជាមួយលោក Kim Jong-il ។ លោកក៏បានចូលរួមអភិវឌ្ឍន៍កាំជ្រួចរយៈចម្ងាយឆ្ងាយ Unha-3 ឆ្នាំ ២០១២ មុនពេលចូលនិវត្តន៍ នៅឆ្នាំ ២០១៥ ៕ ចន្ទ្រា