ពេលត្រូវចោរប្លន់យកកាំភ្លើងភ្ជុងចំពីមុខអ្នកលក់ម្នាក់នេះពុំមានភាពតក់ស្លុតសោះ ហើយថែមទាំងយកដងអំបោសចង្អុលតបវិញ ។ ហេតុការណ៍នេះកើតឡើងនៅទីក្រុង Guayaquil ប្រទេស Ecuador ។
ស្ត្រីអ្នកលក់ទំនិញក្លាហានហ៊ានយកអំបោសចង្អុលតប…កាំភ្លើងរបស់ចោរប្លន់ ។
ខ្សែវីដេអូខាងក្រោមនេះ បង្ហាញឲ្យឃើញលោកចោរបានដើរចូលហាងលក់សម្លៀកបំពាក់ ហើយដកកាំភ្លើងចេញមកភ្ជុងគំរាមអ្នកលក់ តែស្ត្រីរូបនេះបែរជាមានទង្វើ “ក្លាហាន” គួរឲ្យឆ្ងល់ទៅវិញ ។
ចោរប្លន់រូបនេះពិតជាស្រឡាំងកាំង ក៏លូកដៃចាប់ដងអំបោស ខណៈពេលចុងកាំភ្លើងនៅភ្ជុងចំក្បាលនារីអ្នកលក់ ។ មួយសន្ទុះ ប្រហែលជាមានអារម្មណ៍ថា “ពិបាកពេក” ក៏ប្រញាប់គេចខ្លួនចេញទៅបាត់ ។ ស្ត្រីរូបនេះនៅបានកាន់អំបោសដេញតាមប្រដេញចេញទៀត ។
ក្រោយពេល Video នេះ ត្រូវបានបង្ហោះសាធារណជនមានការស្ងើចសរសើរនាងយ៉ាងខ្លាំង ។
ចំណែកនាងវិញស្រាប់តែនិយាយថា ៖ ខ្ញុំបានស្រែកប្រាប់ចោរនោះថា ៖ ទៅព្រះវិហារទៅ ហើយបោះបង់ចោលផ្លូវអាក្រក់នេះចេញ! ៕ ចន្ទ្រា