រដ្ឋាភិបាលជប៉ុនបានលើកឡើងពីភាពចាំបាច់ត្រូវជម្លៀសពលរដ្ឋប្រមាណ ៣០០.០០០នាក់ នៅតំបន់ Kansai ដោយសារឥទ្ធិពលនៃព្យុះ Jebi ដែលត្រៀមវាយប្រហារដែនគោក ។
ក្នុងចំណោមនោះមានពលរដ្ឋប្រមាណ ២៨៧.០០០នាក់ នៅទីក្រុងកំពង់ផែ Kobe និង ៩០.០០០នាក់ នៅទីក្រុង Hiroshima ។
ជប៉ុនបានលុបចោលជើងហោះហើរ ៦៣២ជើង នៅតំបន់កណ្តាល និងនិរតីប្រទេសនេះ ។ ជើងហោះហើរត្រូវលុបចោលមាននៅបណ្តាព្រលានយន្តហោះ Osaka និង Kobe ចំណុះតំបន់ Kansai ។
ព្យុះ Jebi ក៏បានធ្វើឲ្យដាច់ប្រព័ន្ធគមនាគមន៍ផ្លូវដែក សាឡាង។ ពេលនេះមុខព្យុះស្ថិតនៅភាគអាគ្នេយ៍នៃប្រជុំកោះជប៉ុនដែលមានកម្លាំខ្យល់ដល់ទៅ ៦០ម៉ែត្រ/វិនាទី ៕ សូយន
