គិតត្រឹមម៉ោង៧និង៣០ យប់ថ្ងៃអង្គារ មានមនុស្ស៣នាក់ស្លាប់ និង១៤៨នាក់រងរបួស បន្ទាប់ពីព្យុះសង្ឃរាJebi បានបោកបក់កាត់លើ ប្រទេសជប៉ុន។នេះជាព្យុះមួយដែលមានកម្លាំងខ្លាំងបំផុតដែលវាយលុកប្រទេសជប៉ុនក្នុងអំឡុងពេល២៥ឆ្នាំកន្លងមក។
នៅOsaka ខ្យល់ដ៏ខ្លាំងបានវាយរបើកដំបូលផ្ទះ វាយផ្ដួលរថយន្ដដឹកជញ្ជូន ។
ការទូន្មានឱ្យជម្លៀសត្រូវបានបន្ដប្រកាសដល់តំបន់ជាច្រើននៅភាគខាងលិចនិងភាគកណ្ដាលជប៉ុន។ ក្រុមមន្ត្រីព្រមានថា ភ្លៀងខ្លាំងអាចបណ្ដាលឱ្យមានការបាក់ដីនិងជន់លិច។
ផ្លូវគមនាគមន៍ក៏ត្រូវបានកាត់ផ្ដាច់។រថភ្លើងល្បឿនលឿនShinkansenដែលតភ្ជាប់ Tokyo និងOkayama បានត្រូវផ្អាកសកម្មភាព។
បណ្ដាក្រុមហ៊ុនទេសចរណ៍ក៏បានលុបចោលការហោះហើរក្នុងស្រុករាប់រយជើងនៅថ្ងៃអង្គារនេះ សំខាន់គឺនៅតំបន់ ភាគខាងលិចជប៉ុន។
អាកាសយានដ្ឋានអន្តរជាតិKansai, ដែលជាព្រលានយន្ដហោះដ៏សំខាន់មួយរបស់ជប៉ុនត្រូវបានបិទទ្វារទាំងស្រុង ព្រោះទឹកជន់លិចបាត់ទៅហើយ។តាមក្រសួងគមនាគមន៍ឱ្យដឹងថា មិនទាន់ដឹងច្បាស់ថាពេលណាព្រលានយន្ដហោះនេះធ្វើសកម្មភាពនោះទេ៕
សូយន
