កំពូលព្យុះ Jebi បានវាយប្រហារជប៉ុនតាំងពីល្ងាចថ្ងៃទី ៤ ខែកញ្ញា បណ្តាលឲ្យមនុស្ស ៩នាក់ស្លាប់ ជាង ២០០នាក់ រងរបួស និងជិត ៥០០នាក់ ជាប់គាំងនៅព្រលានយន្តហោះអន្តរជាតិ Kansai ។
តាម Kyodo កំពូលព្យុះ Jebi បានវាយលុកចូលតំបន់ដែនដីខាងលិចជប៉ុន ថ្ងៃទី ៤ ខែកញ្ញា ។ ជាមួយចលនាបត់បែនក្នុងល្បឿនលឿនកម្លាំងខ្យល់កន្ត្រាក់ខ្លាំង ព្រមទាំងភ្លៀងធំផង បានបង្កមហន្តរាយធ្ងន់ធ្ងរដល់ហេដ្ឋារចនាសម្ព័ន្ធគមនាគមន៍ដឹកជញ្ជូននៅភាគខាងលិចជប៉ុន ។
ស្ថិតិដំបូងឲ្យដឹងថា ៖ មនុស្ស ៩នាក់ស្លាប់ ជាង ២០០នាក់រងរបួស ។ មនុស្សប្រមាណ ៥០០នាក់ ត្រូវជាប់គាំងនៅព្រលានយន្តហោះ Kansai ដែលកំពុងរងទឹកជំនន់ ។ ខ្សែរថភ្លើងល្បឿនលឿនទើបចាប់ផ្តើមជម្លៀសពួកគេទៅកាន់ទីសុវត្ថិភាព គឺល្ងាចថ្ងៃទី ៤ ខែកញ្ញា និងព្រឹកម៉ិញនេះ ។ ប៉ុន្តែខ្សែរថភ្លើងនេះ ១ជើងៗដឹកបានមនុស្ស ១១០នាក់ប៉ុណ្ណោះ ។
ខាងក្រោមរូបភាពគួរឲ្យរន្ធត់ពីមហន្តរាយដោយសារព្យុះ Jebi ៕ ចន្ទ្រា
