កាសែត China Times China Times បានរាយការណ៍ថា កាលពីថ្ងៃទី០១ ខែកញ្ញា នាវេលាថ្ងៃត្រង់ បុរសវ័យក្មេងម្នាក់ដែលបានកំពុងហែលទឹកនៅក្នុងសមុទ្រ នៅពេលនោះ ស្រាប់ទទួលការឈឺចុកចាប់ដ៏ពុំនឹកស្មានដល់មួយ ខណៈគាត់ចូលក្នុងផ្លូវរបស់ពពួក stingray (ត្រីដ៏ចម្លែកម្យ៉ាងនៅតំបន់ត្រូពិច) ។ វាមិនច្បាស់នូវអ្វីដែលបានកើតឡើង ប៉ុន្តែ ត្រី stingray បានចាក់ប្រដាប់ភេទរបស់គាត់ ជាមួយនឹងទ្រនិចរបស់វា ដែលបង្កឲ្យបុរសនេះត្រូវឈឺចុកចាប់យ៉ាងខ្លាំងតែម្តង ។
ភ្លាមៗនោះ បុរសវ័យក្មេងនេះ ត្រូវបានគេជួយសង្គ្រោះ និងនាំយកទៅកាន់លើឆ្នេរសមុទ្រ ទីកន្លែងដែលអ្នកចោមរោមមើលដែលមានការព្រួយបារម្ភ បានព្យាយាមជួយគាត់យ៉ាងសស្រាក់សស្រាំ ប៉ុន្តែ សត្វ Stingray នេះត្រូវជាប់នឹងប្រដាប់ភេទរបស់គាត់ ពុកមាត់ជាច្រើននៅលើទ្រនិចរបស់វា ត្រូវបានថ្ពក់ជាប់នៅស្បែកគាត់ ។ បុរសពុំស្គាល់អត្តសញ្ញាណានេះ ត្រូវបានឃើញដេកនៅឆ្នេរសមុទ្រ ជាមួយអាការឈឺចុកចាប់យ៉ាងខ្លាំង និងពុំអាចកម្រើកខ្លួន ខណៈគាត់រង់ចាំបុគ្គលិកសង្គ្រោះបន្ទាន់មកដល់ ។
បន្ទាប់ពីបានមកដល់កន្លែងកើតហេតុ ពួកគេបានព្យាយាមទាញទ្រនិចរបស់ត្រី Stingray ចេញ ប៉ុន្តែ ពុំមានប្រយោជន៍នោះទេ ព្រោះវាត្រូវថ្ពក់យ៉ាងតឹងជាមួយឆ្អឹងទ្រនុងកន្ទុយមានពិសរបស់វា ។ ដោយពុំមានជម្រើស បុគ្គលិកពេទ្យក៏បានសម្រេច ត្រូវប្រើកន្ត្រៃកាត់ផ្តាច់កន្ទុយរបស់វា ដែលត្រូវបានភ្ជាប់ទៅនឹងប្រដាប់ភេទរបស់បុរសនេះ ។
ក្រោយ «រំដោះ» រួចរាល់ បុរសនេះត្រូវបានបញ្ជូនទៅកាន់មន្ទីរពេទ្យភ្លាមៗ ដើម្បីត្រួតពិនិត្យបន្ថែម ។ សំណាងល្អ ដែលគ្រូពេទ្យនិយាយថា ស្ថានភាពរបស់គាត់មានស្ថិរភាព និងពុំមានរបួសអ្វីផ្សេងនោះទេ ។ បុរសនេះត្រូវបានគេរាយការណ៍ថា បានសះស្បើយពី «ការចាក់» ដ៏ពុំនឹកស្មាននេះហើយ ប៉ុន្តែ នៅតែខ្សោយកម្លាំងបន្តិចបន្តួចពីទុក្ខលំបាកនៃការឈឺចុកចាប់របស់គាត់ ៕ ចន្ទី (worldofbuzz)