តាមAFP នៅថ្ងៃទី៥ ខែកញ្ញា អ្នកពាំក្យកងទ័ពរុស្ស៊ី Igor Konashenkov បានប្រកាសថា៖ «យន្ដហោះរុស្ស៊ី៤គ្រឿងនៅមូលដ្ឋាន Khmeimim បានធ្វើការវាយប្រហារពីដែនអាកាសដោយអាវុធសុក្រឹតកម្រិតខ្ពស់ សំដៅលើក្រុមភេរវកម្មរណសិរ្ស Al-Nusra (ក៏ជាឈ្មោះរបស់ក្រុមHayat Tahrir Al-Sham) នៅខត្តIdlib ។ការវាយប្រហារនេះសំដៅលើឃ្លាំងស្ដុកអាវុធរបស់ពួកភេរវករស្ថិតនៅខាងក្រៅតំបន់រស់នៅរបស់ប្រជាជន។
យន្ដហោះគ្មានអ្នកបើកបរក៏ត្រូវបានពួកវាស្តុកទុកនៅទីនេះដែរ។ ក្រៅពីនោះ រុស្ស៊ីក៏បានវាយប្រហារលើឃ្លាំងផ្ទុកប្រព័ន្ធ ការពារដែនអាកាសចល័ត ក៏ដូចជាបណ្ដាតំបន់ដែលពួកឧទ្ទាមប្រើប្រាស់សម្រាប់បង្ហោះយន្ដហោះគ្មានអ្នកបើកបរ។
សេតវិមានបានឱ្យដឹងនៅថ្ងៃទី៥កញ្ញានេះថា ពួកគេកំពុងឃ្លាំមើលយ៉ាងហ្មត់ចត់ស្ថានការណ៍សង្គ្រាមនៅខេត្ត Idlib ហើយព្រមានទុកជាមុនថា ប្រសិនបើកងទ័ពស៊ីរីហ៊ានប្រើប្រាស់អាវុធគីមី នោះគេនឹងធ្វើសកម្មភាពភ្លាម៕
សូយន
