តាម WABC TV, នៅថ្ងៃទី៥ខែកញ្ញា កងកម្លាំងប៉ូលិសនិងសុខាភិបាលបានមានវត្តមាននៅព្រលានយន្ដហោះអន្តរជាតិ JFK នាទីក្រុង New York អាមេរិក ក្រោយពេលដែលយន្ដហោះដឹកអ្នកជំងឺរាប់សិបនាក់មួយគ្រឿងដែលកំពុងស្ថិតក្នុង«សភាព ធ្ងន់ធ្ងរ»ទើបចុះសំចតភ្លាម។ យន្តហោះដឹកជញ្ជូនមានលេខសម្គាល់ 203 របស់ក្រុមហ៊ុនអាកាសចរណ៍Emirates. ចាកចេញពីឌុយបៃ បានចុះសំចតវេលាម៉ោង៨:៥០នាទីព្រឹក(ម៉ោងនៅតំបន់)ថ្ងៃទី៥កញ្ញា។
អ្នកបើកបរយន្ដហោះឱ្យដឹងថា ភ្ញៀវនៅលើយន្ដហោះសុទ្ធសឹងក្ដៅខ្លួនខ្លាំងនិងក្អក។
តាមស្ថានីយWABC ឱ្យដឹងថា ភ្ញៀវយ៉ាងតិច១០០នាក់ក្នុងចំណោមភ្ញៀវ៥០០នាក់លើយន្ដហោះ ត្រូវបានរកឃើញថាបានកើតជំងឺភ្លាមៗនៅពេលយន្ដហោះចេញដំណើរ។មនុស្សជាច្រើនក្នុងចំណោមនោះមានរោគសញ្ញាដូចជាក្ដៅខ្លួនលើសពី៣៧,៧អង្សាសេ ហើយក្អក។
តាមការិយាល័យចៅហ្វាយក្រុងនោះក៏បានបញ្ជាក់ថា ព័ត៌មាននេះជាព័ត៌មានពិត ប៉ុន្ដែអ្នកដំណើរនិងយន្ដហោះបានត្រូវដាក់នៅដោយឡែក៕
លីសា