គណៈរដ្ឋមន្ដ្រី Bangladesh ទើបអនុម័តច្បាប់គមនាគមន៍ថ្មី ក្នុងនោះមានមាត្រាតឹងរ៉ឹងចំពោះអ្នកបំពាន រួមទាំងការមិនពាក់មួកសុវត្ថិភាពពេលបើកម៉ូតូ។
ទង្វើនេះត្រូវបានចាត់ទុកថាជាកិច្ចប្រឹងប្រែងពន្លត់ភ្លើងកំហឹងក្នុងទីក្រុងដែលមានពលរដ្ឋជិត២០លាននាក់កំពុងរងអសុវត្ថិភាពដោយសារគ្រោះថ្នាក់ចរាចរណ៍។
មន្ដ្រីម្នាក់នៃស្នងការប៉ូលិសទីក្រុង Asaduzzaman Mia ពោលថា បណ្ដាស្ថានីយប្រេងឥន្ធនៈនឹងមិនត្រូវបានអនុញ្ញាតលក់ប្រេងសាំងឱ្យអ្នកជិះម៉ូតូដែលគ្មានមួកសុវត្ថិភាព ហើយម៉ូតូមួយគ្រឿងអាចដឹកបានតែមនុស្ស២នាក់ និងអ្នកអង្គុយក្រោយក៏ត្រូវពាក់មួកសុវត្ថិភាពដែរ។
Bangladesh គឺជាប្រទេសមួយដែលមានសុវត្ថិភាពចរាចរណ៍ទាបបំផុត ហើយមនុស្សប្រមាណ១២.០០០នាក់តែងស្លាប់ក្នុងមួយឆ្នាំៗដោយសារគ្រោះថ្នាក់ចរាចរណ៍៕
លីសា