ព្យុះទីហ្វុង Jebi ដែលបានបង្កឲ្យបាក់ដី នៅក្នុងប្រទេសជប៉ុន កាលពីថ្ងៃអង្គារ បានបន្សល់ទុកនូវការបំផ្លិចបំផ្លាញផ្លូវ, កាត់ផ្តាច់អគ្គិសនី, ធ្វើឲ្យខូចខាតផ្ទះសម្បែង, បំផ្លាញហេដ្ឋារចនាសម្ព័ន្ធ និងសម្លាប់មនុស្សយ៉ាងតិច ១១ នាក់ ។
ដោយត្រូវបានចាត់ទុកថាជាព្យុះខ្លាំងក្លាបំផុត ដែលបានវាយប្រហារប្រទេសនេះ ក្នុងរយៈពេល ២៥ ឆ្នាំ មកនេះ Jebi បានបង្កឲ្យកើតមានទឹកជំទន់យ៉ាងធំធេង ដែលរារាំងទាំងការធ្វើតាមតាមផ្លូវគោក និងអាកាស ស្ថិតនៅតំបន់ភាគខាងលិចនៃប្រទេសជប៉ុន ។
កម្លាំងខ្យល់បោកបក់ដ៏ខ្លាំងក្លា ក៏បានបង្កឲ្យរថយន្តដឹកប្រេងឥន្ធនៈ ត្រូវវាយប្រហារ និងធ្វើឲ្យខូចខាតស្ពានតភ្ជាប់ពីដីគោក ទៅកាន់ព្រលានយន្តហោះអន្តរជាតិ Kansai, ដែលជាផ្នែកដឹកជញ្ជូនដ៏មមាញឹកមួយត្រូវបានកសាងនៅលើកោះមួយដែលបង្កើតឡើងដោយមនុស្ស ។ នេះបើយោងតាម Reuters ។
ជើងហោះហើរក្នុងស្រុកជាង ៦០០ ដែលបានគ្រោងទុករួចស្រេចសម្រាប់ថ្ងៃអង្គារ នៅក្នុង Kansai ត្រូវបានលុបចោល ដោយសារតែហេតុការណ៍ដ៏អាក្រក់នេះ ដែលជាហេតុធ្វើឲ្យឲ្យមនុស្សរាប់ពាន់នាក់ត្រូវជាប់គាំងបណ្តោះអាសន្ន ។
ព្រលានយន្តហោះនេះ ដែលបម្រើឲ្យ Osaka, Kobe និង Kyoto មានអ្នកដំណើរ ៣ ពាន់នាក់ ត្រូវជាប់គាំងអស់មួយយប់ នៅក្នុងបណ្តាស្ថានីយគ្មានចរន្តអគ្គិសនី ។ អាជ្ញាធរបានជម្លៀសពួកគេដោយប្រើសាឡាង និងទូកល្បឿនលឿន កាលពីថ្ងៃពុធ ។
យោងតាមគេហទំព័រព្រលានយន្ត Kansai នោះបណ្តាផ្លូវរត់ និងស្ពាន អាចត្រូវបានបើកឲ្យដំណើរការឡើងវិញ កាលពីថ្ងៃទី០៥ កញ្ញា ឬ ក៏ថ្ងៃនេះ ។
風で屋根が。 #台風 #大阪 pic.twitter.com/813mkKXKBd
— AT (@tamaaamat) September 4, 2018
យោងតាមទីភ្ញាក់ងារសារព័ត៌មាន Kyodo News បានឲ្យដឹងថា កន្លែងអាជីវកម្មជាច្រើននៅក្នុងតំបន់នេះ បានផ្អាកប្រតិបត្តិការ ដោយក្នុងនោះរួមមាន៖ រោងចក្រអេឡិចត្រូនិក និងក្រុមហ៊ុនផលិតរថយន្ត កាលពីថ្ងៃអង្គារ ។
ទីតាំងជំនួញដ៏ធំនៅជាប់មាត់សមុទ្រមួយ នៅក្នុងខេត្ត Hyogo បានបាត់បង់រថយន្តប្រហែល ១០០ គ្រឿង នៅក្នុងអគ្គីភ័យ បន្ទាប់ពីប្រព័ន្ធអគ្គិសនីរបស់ពួកគេឆ្លងភ្លើងដោយសារទឹកសមុទ្រ ៕ ឧត្តម (nextshark)
京都駅の天井崩落の瞬間が目の前で。
まさか、、台風の力すごい。気を付けて!! pic.twitter.com/EGQ6P92T9g— 森山和彦(Kaz) CRAZY (@CRAZY904Kaz) September 4, 2018
Footage of #typhoon #Jebi absolutely hammering Gobo in Wakayama prefecture, #Japan today – an exhausting and at times dangerous experience #台風第21号 #台風 #和歌山県 pic.twitter.com/ddqjCSYbDQ
— James Reynolds (@EarthUncutTV) September 4, 2018
甲子園駅やばいっす pic.twitter.com/hZxQW2C9FE
— わんこP@デレメット両日 (@PwankoP) September 4, 2018