“Moskva -Kremlin- Putin ជាកម្មវិធីត្រូវបានបង្ហោះផ្សាយលើឆាណែលទូរទស្សន៍រដ្ឋ Rossiya 1 នាយប់ថ្ងៃអាទិត្យ រៀងរាល់សប្តាហ៍ ។ តាម Telegramph លោក Vladimir Soloviev ជាអ្នកកាសែតល្បីឈ្មោះម្នាក់ គឺជាអ្នកផលិតភាពយន្តឯកសារ និងសៀវភៅអំពី Putin ជាអ្នកដឹកនាំ ។
ប្រធានាធិបតី Putin ក្នុងដំណើរឡើងភ្នំនៅស៊ីប៊ីរី
កម្មវិធីនេះត្រូវបានផ្សាយដំបូងនៅថ្ងៃទី ២ ខែកញ្ញា ចាប់ផ្តើមពីដំណើរឡើងភ្នំរបស់លោក Putin នៅស៊ីប៊ីរី ការជួបជុំជាមួយសិស្ស និងការទៅចូលរួមមរណៈទុក្ខរបស់តារាចម្រៀងល្បីម្នាក់ទើបស្លាប់ ។
កម្មវិធីនេះ ឲ្យដឹងថា មេដឹកនាំរុស្ស៊ី បានធ្វើដំណើរជាង ៨០០០ km ពាសពេញប្រទេសរុស្ស៊ី ក្នុងសប្តាហ៍កន្លងមក ក៏ដូចជារបៀបថែទាំសុខភាពប្រចាំថ្ងៃរបស់លោក ។
ឈុតមួយក្នុងកម្មវិធីផ្សាយលើកដំបូង “Moskva Kremkin-Putin” ។
កម្មវិធីនេះក៏បានលើកឡើងពីមូលបទ “ក្តៅគគុក” ប្រចាំសប្តាហ៍កើតឡើងនៅប្រទេសរុស្ស៊ី ជាអាទិ៍ កំហឹងរបស់ពលរដ្ឋរុស្ស៊ីចំពោះការកែទម្រង់ប្រាក់សោធននិវត្តន៍ ហើយលោក Putin មានភារកិច្ចចាំបាច់ត្រូវតែសម្រួល… ។
“Moskva Kremkin-Putin” គឺជាស៊េរីទូរទស្សន៍និយាយពីលោក Putin ប៉ុន្តែវាពុំមែនជាការរៀបចំរបស់វិមានប្រធានាធិបតី “Kremlin” ទេ! ។ វាគឺជាគំនិតរបស់ឆាណែល Rossiya 1 ៕ ចន្ទ្រា