លោក Julius Dein អាយុ ២៤ឆ្នាំ គឺជាអ្នកលេងសៀក (Magician) តាមដងផ្លូវដ៏ល្បីម្នាក់ ដោយសារតែជំនាញសៀករបស់គាត់។ កាលពីពេលថ្មីៗនេះ គាត់បានធ្វើឲ្យមនុស្សម្នាគ្រប់គ្នាមានការភ្ញាក់ផ្អើលយ៉ាងខ្លាំង ដោយសារតែគាត់អង្គុយលើខ្យល់បាន។
ដំបូងគាត់បានអង្គុយនៅលើធុងខ្មៅមួយ ធ្វើជាអានកាសែត ហើយនៅមានមនុស្សចម្លែក ២នាក់ ដើរមក មានគ្នាគាត់ម្នាក់ធ្វើជាទាញធុងដែលគាត់អង្គុយពីលើចេញ តែបែរជាគាត់មិនដួលទេ គាត់នៅតែអាចអង្គុយបាន គឺអង្គុយលើខ្យល់ ធ្វើឲ្យអ្នកដំណើរទាំងពីរនោះមានការងឿងឆ្ងល់យ៉ាងខ្លាំង។
ការសម្តែងបន្ទាប់ទៀត គឺគាត់ទៅកន្លែងផ្លូវដែលមានមនុស្សដើរច្រើន ហើយគាត់ចាប់ផ្តើមអង្គុយលើខ្យល់ អានកាសែត ហើយវាបានធ្វើឲ្យអ្នកដំណើរជាច្រើនមានការងឿងឆ្ងល់ដូចគ្នា។
ទោះយ៉ាងណា គាត់មិនមែនមានសមត្ថភាពអង្គុយលើខ្យល់បានមែនទែននោះទេ តែវាជាការរៀបចំ ដែលមានគ្រោងឆ្អឹងដែកបង្កប់ក្នុងខោអាវរបស់គាត់។
ចង់ដឹងការលេងសៀក និងការលាតត្រដាងពីតិចនិចរបស់គាត់យ៉ាងណា សូមមើលវីដេអូ និងរូបភាពខាងក្រោម ៖
ប្រភព៖ Good Times
សុភ័ក្ត្រ
