ស្ត្រីជាម្តាយម្នាក់នៅក្នុងប្រទេសម៉ាឡេស៊ី ដែលពោរពេញដោយកំហឹងយ៉ាងខ្លាំង បានសម្រេចចិត្តកាត់ទោសបុរសម្នាក់ដោយផ្ទាល់ដៃនាង ដោយចាប់ចង និងវាយទៅលើបុរសនោះ ដែលបានរំលោភកូនស្រីរបស់នាងអាយុ ១៣ ឆ្នាំ ។ ប៉ុន្តែ ម្តាយរូបនេះ បន្ទាប់មក ក៏ត្រូវប្រឈមបទចោទប្រកាន់ផ្លូវច្បាប់ ចំពោះសកម្មភាពនៃការប្រើអំពើហិង្សានេះទាំងស្រុងរបស់នាង ដែលត្រូវបានថតវីដេអូដោយអ្នកចោមរោមមើល ។
បុរសអាយុ ២៨ ឆ្នាំ ដែលត្រូវបានឃើញនៅក្នុងវីដេអូ បានដេកដួលនៅលើដី ជាមួយស្ថានភាពខោរបស់គាត់របូតចុះក្រោមភ្លៅ និងត្រូវបានវាយនឹងរំពាត់ទៅលើកំប៉េះគូទននលគកយ៉ាងសាហាវ ។ របាយការណ៍ជាច្រើនបានអះអាងថា អាវុធនោះអាចជាមែកឈើ ឬ ដំបង ។
ពួកមន្ត្រីនៅក្នុងប្រទេសម៉ាឡេស៊ី បានមើលវីដេអូនេះ ហើយជំនួយការស្នងការប៉ូលីសឈ្មោះ Lai Yong Heng និយាយថា ពួកគេកំពុងព្យាយាមកំណត់អត្តសញ្ញាណស្ត្រីជាម្តាយនោះ និងក្រុមមនុស្សដែលត្រូវបានចោទប្រកាន់ជួយនាងចាប់ចង និងវាយបុរសនោះ ។ នេះបើ Daily Mail រាយការណ៍ឲ្យដឹង ។
រឿងនេះអាចទៅរួចដែលការចោទប្រកាន់ «បង្កឲ្យមានការឈឺចាប់ធ្ងន់ធ្ងរ» នឹងត្រូវបានធ្វើឡើងប្រឆាំងនឹងពួកគេ ចំពោះការវាយប្រហារទៅលើជនរំលោភត្រូវបានចោទប្រកាន់រូបនេះ ។ នេះបើតាមកាសែតម៉ាឡេស៊ី The Star រាយការណ៍ ។
Lai និយាយថា៖ «ពួកយើងសង្ឃឹមថា ស្ត្រីនោះ និងមនុស្សដទៃទៀត បានឃើញវីដេអូនេះ នឹងប្រគល់ខ្លួនពួកគេឲ្យប៉ូលីស មុនពេលពួកគេត្រូវបានចាប់ខ្លួន» ។
សូមបញ្ជាក់ថា ការវាយដុំនេះបានកើតឡើង ដោយតែម្តាយម្នាក់នោះបានជឿថា បុរសរងការចោទប្រកាន់នេះ បានរំលោភកូនស្រីរបស់នាងអាយុ ១៣ ឆ្នាំ ច្រើនលើក រួមជាមួយបុរសម្នាក់ទៀត នៅក្នុងផ្ទះមួយនៅក្នុងភូមិ Tawang ។
ជនរងគ្រោះដែលត្រូវបានវាយប្រហារ បានរងរបួស និងតម្រូវឲ្យមានការព្យាបាលផងដែរ ៕ ឧត្តម
