ប្រសិនជាអ្នកមិនចង់ធាត់ អ្នកគួរតែចៀសឲ្យឆ្ងាយពីអាហារទាំង៥ខាងក្រោមនេះ ព្រោះអាចធ្វើឲ្យ អ្នកធាត់ដោយមិនដឹងខ្លួន។ តើមានអ្វីខ្លះទៅ?
1. នៅពេលដែលអ្នកមិនសប្បាយចិត្ត អ្នកមិនគួរញ៉ាំស្ករគ្រាប់ច្រើននោះទេព្រោះអាចធ្វើឲ្យអ្នកងាយ ឡើងទម្ងន់ខ្លាំងណាស់។ ដូចនេះ បើអ្នកញ៉ាំស្ករគ្រាប់រួច អ្នកគួរតែពិសារផ្លែឈើចំនួនមួយផ្លែ ដើម្បីអាចការពារអ្នកមិនឲ្យឡើងទម្ងន់បាន។
2. សូកូឡា ក៏អ្នកមិនគួរញ៉ាំច្រើនដែរ ព្រោះវាអាចធ្វើឲ្យអ្នកងាយឡើងទម្ងន់ខ្លាំងណាស់។ ប៉ុន្តែ បើអ្នកចូលចិត្តពិសារ អ្នកគួរតែរក្សាទម្លាប់ហាត់ប្រាណឲ្យបានទៀងទាត់ ដើម្បីអាចថែរក្សារាងអ្នកឲ្យ នៅស្អាតបាន។
3. ប្រសិនជាអ្នកជានារីដែលចូលចិត្តញ៉ាំកូកា ឬភេសជ្ជៈដែលមានហ្គាសផ្សេងៗអ្នកគួរតែកាត់បន្ថយ ក្នុងការពិសារ ហើយប្តូរមកញ៉ាំតែវិញ ទើបអាចធ្វើឲ្យរាងអ្នកមិនងាយរីក ហើយស្អាតបាន។
4. មីកំប៉ុងឆុងនឹងអាចធ្វើឲ្យអ្នកធាត់ដោយមិនដឹងខ្លួននៅពេលដែលអ្នកបរិភោគច្រើន។ ដូចនេះ អ្នកមិនគួរខ្ចិល ហើយពិសារតែមីកំប៉ុងនោះទេ អ្នកគួរតែធ្វើបាយញ៉ាំ ទើបរាងអ្នកមិនងាយ ដូចជាធុងទឹកដែលពិបាកនឹងស្រកមកវិញ។
5. ភេសជ្ជៈដែលមានទម្រង់ជាកំប៉ុង ដូចជាទឹកផ្លែឈើកំប៉ុង អ្នកក៏មិនអាចញ៉ាំបានដែរព្រោះនៅ ក្នុងនោះមានជាតិស្ករខ្ពស់ ដែលងាយធ្វើឲ្យរាងអ្នកប្រែជាអាក្រក់ខ្លាំងណាស់។ ដូចនេះបើអ្នកមិន ចង់បំផ្លាញរាងដ៏ស្អាតរបស់អ្នក អាហារទាំងឡាយខាងលើនេះ គួរតែកំចាត់ចោលពីបញ្ជីអ្នកឲ្យអស់៕ សុភ័ក្ត្រ
ប្រភព៖ flashsante
