ភ្នំពេញ ៖ ការិយាល័យស៊ើបអង្កេត និងអនុវត្តនីតិវិធី នៃ ស្នងការដ្ឋាននគរបាលរាជធានីភ្នំពេញ បានឲ្យដឹងថា ថ្ងៃសុក្រទី៧ ខែកញ្ញា ឆ្នាំ២០១៨ វេលាម៉ោង ១០និង៤០នាទី ការិយាល័យស៊ើបអង្កេតនិងអនុវត្តនីតិវិធី បានទទួលជនបរទេស ចំនួន១នាក់ ឈ្មោះGISLE REIKVAM ភេទប្រុស អាយុ៥១ឆ្នាំ ជនជាតិណ័រវេ ពីកម្លាំងនគរបាលប៉ុស្តិ៍ផ្សារកណ្ដាល១ ខណ្ឌដូនពេញ។
នគរបាលបានឲ្យដឹងថា ការឃាត់ខ្លួនករណីជននេះ ស្រែកឡូឡារនៅតាមទីសាធារណៈ ធ្វើឲ្យខូចសណ្ដាប់ធ្នាប់ រំខានដល់ប្រជាពលរដ្ឋ និងមានសតិមិនប្រក្រតី ហើយត្រូវបានឃាត់ខ្លួន បញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់៕ ដោយ ៖ បញ្ញាស័ក្តិ
