លិខិតនេះត្រូវបានប្រធានសភាចិនកាន់យកទៅដល់ក្រុងព្យុងយ៉ាងជូនឱ្យលោកមេដឹកនាំគីម នាឱកាសបុណ្យជាតិកូរ៉េខាងជើង។
ប្រធានសភាចិនបានបញ្ជូនលិខិតរបស់ប្រធានរដ្ឋXi ដោយផ្ទាល់ដៃឱ្យមេដឹកនាំKim ក្នុងជំនួបប្រព្រឹត្តកាលពីថ្ងៃទី៩កញ្ញាម្សិលមិញ ក្នុងឱកាសដែលរូបលោកជាតំណាងមហាអំណាចចិនចូលរួមក្នុងពិធីព្យុហយាត្រាខួបលើកទី៧០ ថ្ងៃបុណ្យជាតិកូរ៉េខាងជើង។
ប្រធានសភាចិនបានទៅកាន់កូរ៉េខាងជើងក្នុងនាមជាបេសកជនពិសេសរបស់ប្រធានរដ្ឋ ហើយនៅក្នុងឱកាសនោះលោកបានអះអាងថា៖ ចិនសង្ឃឹមថាកូរ៉េខាងជើងនិងអាមេរិកនឹងអនុវត្តន៍កិច្ចព្រមព្រៀមរួមក្នុងជំនួបទ្វេភាគីរបស់មេដឹកនាំប្រទេសទាំងពីរ និងបន្តរក្សាទិសដៅ ឆ្ពោះទៅរកសន្ដិភាពនិងកិច្ចចរចាយ៉ាងសកម្ម។ លោកបានបញ្ជាក់បន្ថែមថា ប្រទេសចិនចង់រួមចំណែកក្នុង«មុខនាទី»សម្រាប់កិច្ចប្រឹងប្រែងដោះស្រាយបណ្ដាបញ្ហានៅឧបទ្វីបកូរ៉េជាមួយនឹងបណ្ដាប្រទេសដទៃទៀតដែលមានចំណាប់អារម្មណ៍រួម។
ក្នុងពិធីព្យុហយាត្រាលើកនេះ កូរ៉េខាងជើងពុំបានបង្អួតប្រព័ន្ធកាំជ្រួចនិងនុយក្លេអ៊ែរដូចលើកមុនៗទេ ក្នុងបំណងបញ្ជូនសញ្ញាថា ពួកគេមានសុច្ឆន្ទៈនិងស្មោះត្រង់ក្នុងកិច្ចប្រឹងប្រែងរំសាយនុយក្លេអ៊ែរ ហើយងាកមកចាប់យកការអភិវឌ្ឍសេដស្ឋកិច្ច វិទ្យាសាស្ដ្រ បច្ទេកទេសវិញម្ដង។
សូយន
ទស្សនាព្យុហយាត្រារំលឹកខួបលើកទី៧០ ថ្ងៃបុណ្យជាតិកូរ៉េខាងជើង។