លោក Rajith Kumar ដែលជាសាស្ត្រាចារ្យខាងវិទ្យាសាស្ត្ររូបវិទ្យា (គាត់សិក្សាខាងផ្នែករុក្ខជាតិ ហើយក៏ប៉ុន្តែ គាត់ស្រាប់តែបានផ្តល់យោបល់អំពីនូវអ្វីដែលស្ត្រីគួរស្លៀក) នៅមហាវិទ្យាល័យ Sree Sankara នៅក្នុងទីក្រុង Kalady បានចេញថ្លែងនៅក្នុងបទសម្ភាសន៍ទូរទស្សន៍មួយដែលគាត់បានចូលរួមកាលពីពេលថ្មីៗនេះ ។
តាមដែលត្រូវបានដកសម្រង់សម្តីដោយ India Today លោក Rajith និយាយថា៖ «ស្ត្រីដែលស្លៀកពាក់ដូចទៅនឹងបុរស, នោះលទ្ធផលដែលនាងបង្កើតកូននឹងទទួលបានចរិត (និស្ស័យ) ចម្លែក? ហើយកុមារទាំងនោះត្រូវបានហៅថាមនុស្សប្តូរភេទ» ។
លោកបានសង្កត់ធ្ងន់ថា កុមារចេះស្តាប់បង្កាប់ គឺជាផលិតផលរបស់បុរស និងស្ត្រីដែលស្លៀកពាក់ និងរស់នៅដូជាមនុស្សប្រុស និងស្រី ។
គាត់បានពន្យល់បន្ថែមទៀតថា៖ «នៅពេលស្ត្រីធ្វើឲ្យខូចភាពជាមនុស្សស្រីរបស់ខ្លួន ហើយបុរសធ្វើឲ្យខូចភាពជាមនុស្សប្រុសរបស់ខ្លួន នោះក្មេងស្រីដែលកើតចេញពីពួកគេ គឺមានបុគ្គលក្ខណៈដូចបុរស ។ ក្មេងស្រីនោះដែលក្រោយពេលផ្តល់កំណើត នឹងក្លាយជាមនុស្សប្តូរភេទ» ។
លោក Rajith Kumar ក៏បានលើកឡើងផងដែរថា ក្មេងៗដែលកើតជំងឺ autistic គឺត្រូវបានបង្កឡើងដោយបុរស និងស្ត្រី ដែលប្រឆាំង និងមិនគោរពតាមបទដ្ឋានទាំងនោះ, ជាពិសេសស្ត្រីដែលស្លៀកខោខូវប៊យ ។
ប៉ុន្តែ មើលទៅដូចជា លោក Rajith នឹងមិននិយាយនូវអ្វីទៀតទេ បន្ទាប់ពីលើកឡើងបែបនេះ ខណៈរដ្ឋមន្ត្រីក្រសួងសុខាភិបាល និងសុខុមាលភាពសង្គម លោក KK Shylaja បានធ្វើការព្រមានគាត់ មិនឲ្យពាក់ព័ន្ធនៅក្នុងកម្មវិធីរបស់រដ្ឋាភិបាលណាមួយឡើយ ។
រដ្ឋមន្ត្រីរូបនេះបានពន្យល់ថា លោក Rajith កំពុងស្របតាមការផ្តល់គំនិតសិចស៊ីនេះ ហើយនៅពេលនេះ ពួកគេកំពុងធ្វើការដើម្បីចាត់វិធានការផ្លូវច្បាប់ប្រឆាំងគាត់ ចំពោះការកត់សម្គាល់ដែលប្រមាថមើលងាយបែបនេះ ។
ទោះយ៉ាងណាក៏ដោយ លោក Rajith នៅតែមានជំនឿយ៉ាងមុតមាំ អំពីគំនិតរបស់គាត់ ។ គាត់បានបង្ហាញពីភាពត្រឹមត្រូវនៃកំណត់សម្គាល់របស់គាត់ ដោយនិយាយថា អ្វីទាំងអស់នេះគឺ «ពឹងផ្នែកទៅលើវិទ្យាសាស្ត្រ និងបទពិសោធន៍យូរឆ្នាំ» ។ ប៉ុន្តែ គាត់សិក្សាផ្នែករុក្ខជាតិ តើគាត់ត្រូវធ្វើជាមួយកំណត់សម្គាល់របស់គាត់យ៉ាងដូចម្តេចទៅ?
យ៉ាងណាក៏ដោយ មនុស្សជាច្រើននៅតែគាំទ្រ និងណែនាំឲ្យស្ត្រីទាំងអស់ ពួកគាត់អាចស្លៀកពាក់នូវអ្វីដែលខ្លួនគាត់ចង់ ទៅតាមដែលពួកគាត់មានអាម្មណ៍ល្អ និងពាក់វាដោយភាពស្រណុកស្រួល ។ ហើយកុំទៅខ្វល់នឹងការអះអាងគ្មានមូលដ្ឋាន ពីសំណាក់បុគ្គលដែលមិនពេញចិត្ត ដែលអាចកំពុងចង់បានការចាប់អារម្មណ៍ខ្លួនខ្លាំង ៕ ចន្ទី (worldofbuzz)
