ក្នុងរដូវក្តៅជាពេលវេលាដែលមនុស្សភាគច្រើនចូលចិត្តទិញអាវកាក់ប្រើ និងស្លៀកខោខូវប៊យ ពាក់ស្បែកជើងផ្ទាត់ និងពាក់ឈុតហែលទឹកទៀត ដែលជាហេតុនាំឲ្យស្បែកប៉ះពាល់នឹងកាំ រស្មីយូវីដ៏គ្រោះថ្នាក់របស់ព្រះអាទិត្យកាន់តែច្រើន។ រដូវក្តៅគឺជាពេលវេលាដ៏ល្អមួយដែលមនុស្ស យើងគួរមានទម្លាប់ពិនិត្យរកមើលសញ្ញានៃជំងឺមហារីកស្បែក។
នៅពេលដែលការពិនិត្យដោយខ្លួនឯងរកមើលសញ្ញាជំងឺមហារីកស្បែកមនុស្សយើងក៏អាច សង្កេតឃើញសញ្ញានៃបញ្ហាជាច្រើនផងដែរ។ យកល្អគួរតែពិនិត្យដូចខាងក្រោមនេះ៖
- ប្រជ្រុយដែលកំពុងតែប្រែប្រួល មានរូបរាងមិនទៀងទាត់ ឬប្រែប្រួលគែមរបស់វា
- ប្រជ្រុយដែលមានពណ៌ច្រើនដូចជា ពណ៌ត្នោត និងខ្មៅ
- ប្រជ្រុយដែលដុះឡើងលើ
- ប្រជ្រុយដែលធំ ឬមានមុខកាត់ធំជាងជ័រលុបខ្មៅដៃ
- ប្រជ្រុយដែលរមាស់ តឹងឈឺ ឬឈឺនៅជុំវិញ
- ដំបៅដែលមិនជា ឬកើតឡើងម្តងហើយម្តងទៀត
- មានឆ្នូតពណ៌ត្នោត ឬខ្មៅនៅក្រោមក្រចក
មនុស្សចាស់ និងអ្នកដែលមានស្បែកពណ៌ស្តើងៗទំនងជាប្រឈមកាន់តែខ្ពស់នឹងជំងឺមហារីកស្បែក ប៉ុន្តែមនុស្សគ្រប់គ្នាសុទ្ធតែអាចកើតមានជំងឺនេះបានទាំងអស់។
បុរសទំនងជាងាយនឹងកើតជំងឺមហារីកស្បែក ប្រភេទ Melanoma ដែលជាមហារីក ដែលងាយនឹងធ្វើឲ្យស្លាប់ច្រើនបំផុត។ មនុស្សជនជាតិស្បែកខ្មៅ ក៏ទំនងជាងាយនឹងកើតជំងឺ មហារីកច្រើនជាងគេ ដែលជាធម្មតាវាមិនកើតឡើងនៅលើកន្លែងដែលប៉ះពាល់នឹង ព្រះ អាទិត្យទេ ដូចជា បាតដៃ ឬ និងបាតជើង ផ្នែកខាងក្នុងរបស់មាត់ និងក្រោមក្រចក៕
ប្រភព៖ healthline
សុភ័ក្ត្រ
