អ្នកវិទ្យាសាស្ត្រមួយក្រុមពិតជាស្រឡាំងកាំង ក្រោយពេលរកឃើញកងកប៉ាល់សមុទ្រធំមួយ ស្ថិតនៅកណ្តាលវាលខ្សាច់នៅ Kazakhstan ។ ហេតុការណ៍នេះបានក្លាយជារឿងក្តៅគគុកភ្លាមៗទាមទារឲ្យមានចម្លើយ ។
តាមទីភ្នាក់ងារសារព័ត៌មាន Spunik របស់រុស្ស៊ី រូបភាពថតដោយផ្កាយរណប ដែលឃ្លាំមើលផែនទី Quickbird បានបង្ហាញនូវរូបភាព នាតំបន់អាស៊ីកណ្តាល -នាវា ៤គ្រឿងធំៗ បាន “ជាប់គាំង” នៅលើវាលខ្សាច់ល្វឹងល្វើយ ហើយតំបន់សមុទ្រកៀកបំផុតពីទីលានមានចម្ងាយប៉ុន្មានគីឡូម៉ែត្រឯណោះ ។
Dailystar ចុះផ្សាយថា ៖ ដើម្បីឆ្លើយតបនឹងរឿងរ៉ាវអាថ៌កំបាំងនេះ អ្នកស្រាវជ្រាវផ្សងគ្រោះថ្នាក់សញ្ជាតិកាណាដា George Kourounis និងសហការី បានសម្រេចចិត្តត្រួតពិនិត្យហេតុការណ៍ប្រវត្តិសាស្ត្រឡើងវិញ បំណងស្វែងរកតម្រុយ ។ ឯកសារតាំងពីសម័យសង្គ្រាមត្រជាក់ត្រូវបានប្រមូលផ្តុំសិក្សា ។
ចុងក្រោយទើបរកឃើញថា កាលពីសម័យសង្គ្រាមត្រជាក់សមុទ្រ Aral គ្រប់ដណ្តប់ដល់តំបន់វាលខ្សាច់ Kazakhstan បច្ចុប្បន្នឯណោះ ។ នាវាទាំងនោះធ្លាប់ស្ថិតនៅក្នុងទឹកសមុទ្រ ប៉ុន្តែនៅពេលដែលតំបន់នេះត្រូវវាលខ្សាច់ “ឈ្លានពាន” ធ្វើឲ្យនាវាទាំងនោះជាប់គាំងលើវាលខ្សាច់ពុំអាចយកចេញបានគេក៏បោះបង់វាចោលទៅ ។!
ចន្ទ្រា
