កាបូបលុយ និងក្រដាសស្នាមរបស់បុរសនោះបានបាត់ស្រមោលពេលគាត់អង្គុយលេងបៀរនៅក្នុងហាងលក់ទំនិញមួយ ។ជនរងគ្រោះបានរាយការណ៍ប្រាប់ប៉ូលិសពីករណីដែលខ្លួនបានបាត់កាបូបមានលុយ និងក្រដាសស្នាមរបស់ខ្លួន ក្នុងហាងទំនិញពេលកំពុងលេងបៀរ ។
បន្ទាប់ពីធ្វើកំណត់ហេតុក្នុងពេលដែលជនរងគ្រោះនិយាយថា ខ្លួនត្រូវបានគេលួច “ខ្វេះ” កាបូប ប៉ូលិសបានអង្កេតបឋមលើកាមេរ៉ាសុវត្ថិភាព ។
ខ្សែវីដេអូបានបង្ហាញឲ្យឃើញការបូបរបស់បុរសនោះបានជ្រុះពីហោប៉ៅពេលគាត់កំពុងអង្គុយលេងបៀរ ។ ឆ្កែ២ក្បាលបានដើរកាត់ ហើយឆ្កែ១តូច វាបានខាំកាបូបនេះរត់ចេញទៅក្រៅ ។
ប៉ូលិសប្រាប់ថា ៖ ពួកខ្ញុំបានតាមតម្រុយឆ្កែនោះ ហើយរកឃើញកាបូបនៅគុម្ពោតព្រៃក្បែរហាងលក់ទំនិញនោះ ។
ហេតុការណ៍គួរឲ្យអស់សំណើចនេះកើតឡើងនៅ Tuctung ខេត្តអានហ៊ុយ ប្រទេសចិន ៕
លីសា
