សមត្ថកិច្ចថៃឱ្យដឹងថា គេនឹងនាំត្រឡប់ទៅកាន់ប្រទេសនាំចូលcontainer ខ្មោចចំនួនជាង២០០០ត្រូវបានដឹកចូលដល់ប្រទេសនេះ តែគ្មានអ្នកទទួល ត្រូវរក្សាទុកនៅតាមកំពង់ផែ។
បណ្ដាcontainer ដែលក្នុងនោះភាគច្រើនគឺជាសំណល់ឧស្សាហកម្មសំរាមកៃច្នៃអេឡិចត្រូនិកនាំចូលប្រទេសថៃទាំងស្របច្បាប់ និងមិនស្របច្បាប់សម្រាប់ផ្គត់ផ្គង់ដល់រោងចក្រកែច្នៃដែលបង្កើតឡើងដោយវិនិយោគិនបរទេស។ប៉ុន្ដែគ្មានក្រុមហ៊ុនឬបុគ្គលណាបញ្ជាក់ថាគេជាម្ចាស់ ហើយមកទទួលយកcontainersទាំងនោះ។
រដ្ឋមន្រ្ដីបរិស្ថាននិងធនធានជាតិថៃ Surasak Karnjanarat និយាយថា container ទាំងនេះមិនអាចអនុញ្ញាតឱ្យនាំចូលក្នុងប្រទេសថៃបានឡើយ ព្រោះកាកសំណល់សម្រាប់កែច្នៃឡើងវិញវាច្រើនហួសព្រំដែន ហេតុនេះត្រូវតែនាំបកត្រឡប់ទៅកាន់ប្រទេសនាំចេញវិញ។ លោកSurasak ឱ្យដឹងបន្ថែមថា បណ្ដាក្រុមហ៊ុនដឹកជញ្ជូនបានយល់ព្រមដឹកត្រឡប់ទៅសាមីម្ចាស់ដែលវាបានជួលពួកគេដឹកជញ្ជូនមកកាន់ប្រទេសថៃ។
គួររំលឹកថា រដ្ឋាភិបាលថៃបានសម្រេចកាត់បន្ថយការនាំចូលសំណល់ឧស្សាហកម្មប្រើឱ្យវិស័យកែច្នៃឡើងវិញបន្ទាប់ពីកើតមានការប្រឆាំងយ៉ាងខ្លាំងក្លា ព្រោះវាប៉ះពាល់យ៉ាងធ្ងន់ធ្ងរដល់បរិស្ថាននិងសុខភាពរបស់ប្រជាជន។ សកម្មជនបរិស្ថានក៏បានព្រមានថា ថៃនឹងក្លាយជាធុងសំរាមរបស់ពិភពលោក ប្រសិនបើបន្ដអនុវត្តន៍គោលនយោបាយអនុញ្ញា្តឱ្យនាំចូលកាកសំណល់ឧស្សាហកម្មយកមកកែច្នៃនោះ។
គួររម្លឹកថា ក្រោយពេលប្រទេសចិនហាមឃាត់ការនាំចូលកាកសំណល់ឧស្សាហកម្មប្លាស្ទីកនិងអេឡិចត្រូនិកពីឆ្នាំ២០១៦មក ប្រទេសថៃបានលេចធ្លោក្នុងនាមជាអ្នកបន្តវេន៕
សូយន
