ភ្នំពេញ ៖ យោងតាមរបាយការពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី១០ ខែកញ្ញា ឆ្នាំ២០១៨ មានហេតុការណ៍គ្រោះថ្នាក់ចរាចរ នៅទូទាំងប្រទេសកើតឡើងចំនួន ១០លើក បណ្តាលឲ្យស្លាប់ ៥នាក់ របួសធ្ងន់ ៥នាក់ របួសស្រាល ១នាក់ មិនពាក់មួកសុវត្ថិភាពពេលគ្រោះថ្នាក់ ៨នាក់(យប់៥នាក់) ។
នៅក្នុងករណីគ្រោះថ្នាក់ចរាចរទាំង ១០លើកនេះ បានបង្កឲ្យមានការខូចខាតយានយន្តសរុប ១៨គ្រឿង ក្នុងនោះមានម៉ូតូ ១០គ្រឿង រថយន្តតូច ៥គ្រឿង រថយន្តធំ ២គ្រឿង និងគោយន្ត ១គ្រឿង ។ មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរ គឺបណ្តាលមកពី ល្បឿន ២លើក(ស្លាប់១នាក់) , មិនគោរពសិទ្ធិ ៣លើក(ស្លាប់២នាក់), ប្រជែង ៣លើក(ស្លាប់២នាក់), មិនប្រកាន់ស្តាំ ១លើក និងកត្តាយាន ១លើក ។គ្រោះថ្នាក់នៅលើដងផ្លូវ មានផ្លូវជាតិ ៤លើក ផ្លូវខេត្ត ៦លើក ។ ដោយឡែក យានយន្តដែលបង្កហេតុ រួមមាន ម៉ូតូ ៣លើក រថយន្តតូច ៥លើក និងរថយន្តធំ ២លើក ។ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តកំពង់ស្ពឺ ១លើក ស្លាប់១នាក់ របួស១នាក់, តាកែវ ១លើក ស្លាប់១នាក់, ពោធិ៍សាត់ ១លើក ស្លាប់១នាក់, កំពត ២លើក ស្លាប់១នាក់ និងភ្នំពេញ ៣លើក ស្លាប់១នាក់ របួស២នាក់ ។
របាយការណ៍គ្រោះថ្នាក់ចរាចរផ្លូវគោកទូទាំងប្រទេស រយៈពេល១០ថ្ងៃ គឺថ្ងៃទី១-១០ ខែកញ្ញា ឆ្នាំ២០១៨ កើតឡើងចំនួន ៧៥លើក បណ្តាលឲ្យមនុស្សស្លាប់ចំនួន ៣៥នាក់ របួសសរុប ១១៣នាក់ របួសធ្ងន់ ៨១នាក់ របួសស្រាល ៣២នាក់ ៕ ដោយ ៖ កូឡាប
