ក្នុងក្បួនហុងស៊ុយបុរាណចិនក៏តែងប្រាប់ថា បើទិញផ្ទះថ្មីគប្បីនាំក្មេង ឬឆ្កែទៅជាមួយ ព្រោះវាអាចឃើញអ្វីៗដែលយើង…មិនឃើញ ។
ក្មេងម្នាក់កំពុងដើរតាមផ្លូវសុខៗស្រាប់តែវារត់សំដៅ ហើយក្រាបលើថ្នល់ជជែកតាមមាត់លូជាមួយនឹង… ។ ពេលម្តាយរកមើលគ្មានឃើញអ្វីទេ ។ គាត់ពិតជាលោះព្រលឹង ។ នេះជាហេតុការណ៍កើតឡើងថ្មីៗនេះ របស់នាង Joy Zylstra និងកូនស្រីវ័យ ៣ឆ្នាំ Sahatay sha រស់នៅប្រទេសកាណាដា ត្រូវបានប្រិយមិត្តបណ្តាញសង្គម នាំគ្នាចែករំលែក និងមានយោបល់យ៉ាងផុសផុល។
ក្មេងស្រី Sahataysha អាយុ ៣ឆ្នាំ មានកិច្ចសន្ទនាដ៏ចម្លែក ។
ពេលម្តាយកូនទាំងពីរកំពុងដើរតាមផ្លូវ ស្រាប់តែក្មេងស្រីមានអាកប្បកិរិយាចម្លែក ហើយចាប់ទាញដៃម្តាយទាំងបង្ខំឲ្យមកជិតមាត់លូ ។ វាឱនចុះរួចនិយាយដដែលៗថា “សួរស្តីៗ” ។
បន្ទាប់មកនាងទាមទារម្តាយ “ចុះក្រោមជួបពួកគេ!” ។ ពិតណាស់ នាងជាម្តាយបដិសេធទាំងញ័រមាត់។ នាងពោលថា “ដំបូងខ្ញុំស្រឡាំងកាំងខ្ញុំពិតជាឃើញថា វាបានឃើញសត្វអ្វីនោះ ហើយចង់សង្គ្រោះ ប៉ុន្តែវាពុំដូច្នេះទេ! វាពិតជាគួរឲ្យខ្លាចណាស់!” ។
…ព្រោះថាពេលគាត់ឱសំឡឹងមើលគឺមានតែទឹកបន្តិចបន្តួច ហើយសំរាមខ្លះៗប៉ុណ្ណោះ គ្មានសត្វអ្វី គ្មាន…អ្វីទាំងអស់ ។
នាង Joy ចែករំលែកថា ៖ “បន្ទាប់មកខ្ញុំបន្តដំណើរទៅមុខ ប៉ុន្តែពេលនៅតាមផ្លូវទៅកាន់ផ្ទះជីដូនវានោះ វាបានឈប់នៅមុខលូ១ទៀត ។
ខ្ញុំមិនឈប់ទេ! ហើយទាញដៃវាដើរទៅមុខ!
តាមប្រិយមិត្តហេតុអ្វីទៅ?
ចន្ទ្រា
