ថ្មីៗនេះ យើងប្រហែលជាបានដឹងរឿងរ៉ាវអំពីនារីម៉ាឡេស៊ីម្នាក់ ដែលបដិសេធមិនព្រមចូលជិះរថយន្តរបស់មិត្តរបស់នាង ដែលជារថយន្ត Proton Wira និងបានទូរស័ព្ទហៅ Grab ជិះទៅផ្ទះជំនួស ។ បើតាមការឲ្យដឹង នាងក៏បាននិយាយទៅកាន់បុរសនោះថា ឈប់មកយកនាងទៀតនៅពេលក្រោយ ប្រសិនបើគាត់នៅតែបើកឡាន Wira ។
ចំណែកបុរសម៉ាឡេស៊ីម្នាក់នេះវិញ បានចូលទៅកាន់ហ្វេសប៊ុក ដើម្បីចែករំលែករឿងរ៉ាវដ៏កក់ក្តៅបេះដូងបំផុត ជាមួយមិត្តស្រីដ៏ស្រស់ស្អាតម្នាក់របស់គាត់ ដែលគ្មានបញ្ហាក្នុងការជិះម៉ូតូនោះឡើយ ។
បុរសនោះដែលត្រូវបានស្គាល់មានឈ្មោះថា Edwin Kong បានឌុបមិត្តស្រីរបស់គាត់ទៅផ្ទះពីកកន្លែងធ្វើការ ដែលមានចម្ងាយ ៤៣ គីឡូម៉ែត្រ តាមរយៈម៉ូតូរបស់គាត់ ។ ទោះផ្លូវធ្វើដំណើរឆ្ងាយក៏ដោយ តែគាត់ធ្វើរឿងនេះយ៉ាងរីករាយ ។
មិតស្ត្រីរបស់គាត់ សូម្បីរំលឹកគាត់ឲ្យនាំយកខោអាវឈុតខ្លីបន្ថែម នៅពេលគាត់មកយកនាង ។ នាងបានស្នើសុំពួកវា ព្រោះនាងកំពុងស្ថិតក្នុងឯកសណ្ឋានការងារ ហើយនាងចង់ផ្លាស់ប្តូរជាមួយពួកវា ដើម្បីស្រួលក្នុងការជិះម៉ូតូ ។
មុនពេលជួបគ្នានៅកន្លែងធ្វើការរបស់នាង គូស្នេហ៍ទាំងពីរបានផ្ញើសារឲ្យគ្នាទៅវិញទៅមក តាមរយៈ WeChat ជាមួយការសន្ទនាយ៉ាងដូច្នេះថា៖
Edwin: «បងនឹងជិះម៉ូតូទៅយកអូនឥឡូវហើយណា៎» ។
មិត្តស្រី: «កុំភ្លេចឈុតខោអាវខ្លីរបស់ខ្ញុំ ឬ បើមិនអីចឹងទេ ខ្ញុំនឹងលេចអីៗ….ដាក់គេនៅតាមផ្លូវហើយ» ។
Edwin: «បងនឹងយក ៣ ឲ្យអូនជ្រើសរើស» ។
មិត្តស្រី: «គ្រាន់តែយកអាណាមួយបានហើយ ព្រោះយើងនឹងធ្វើដំណើរសំដៅទៅផ្ទះតាស» ។
Edwin: «បងយល់ហើយ បងភ្លេចយកអាវ Jacket បាត់ហើយ នៅពេលបងមកដល់ជិតស្ថានីយចាក់សាំងនៅ Serdang… អាកាសធាតុត្រជាក់ណាស់ អូនអើយ!!» ។
ទោះយ៉ាងណា បន្ទាប់ពីយកមិត្តស្រីរបស់គាត់ពីកន្លែងធ្វើការរបស់នាង គូស្នេហ៍ដ៏សមគ្នានេះ ក៏បានឈប់សម្រាក និងសូម្បីមានពេលសម្រាប់ថតរូប selfie ជាមួយគ្នាយ៉ាងស្រស់ស្អាតទៀតផង ខណៈជិះម៉ូតូនៅលើដងផ្លូវ ៕ ចន្ទី (thecoverage.my)
