នៅថ្ងៃទី ២៤/១១ លោក Donald Trump បានប្រកាសពីកាដែលលោកបដិសេធគោរម្យងារ “បុគ្គលប្រចាំឆ្នាំ” ដែលបោះឆ្នោតជ្រើសរើសដោយទស្សនាវដ្តី Time។
លោក Trump សរសេរលើ Twitter ថា ៖ “ទស្សនាវដ្តី Time បានទូរស័ព្ទប្រកាសប្រាប់ថា ខ្ញុំអាចនឹងបានជ្រើសតាំងជា “បុគ្គលប្រចាំឆ្នាំ” ដូចកាលពីឆ្នាំមុន តែខ្ញុំត្រូវយល់ព្រម ចូលរួមក្នុងកិច្ចសម្ភាសន៍ អមដោយការថតរូប។ ខ្ញុំបាននិយាយថា រឿងនេះប្រហែលជាពុំល្អប៉ុន្មានទេ ហើយក៏រំលងចោលសំណើរនេះ។ ទោះយ៉ាងណាក៏សូមថ្លែងអំណរគុណ”។
ក្រោយមតិលើកឡើងរបស់លោក Trump ត្រូវបាន “គ្របដណ្តប់” លើប្រព័ន្ធផ្សព្វផ្សាយភ្លាម ទស្សនាវដ្តី Times បានថ្លែងការណ៍បក ដើម្បីបញ្ជាក់ព័ត៌មានពីភាគីម្ចាស់សេតវិមាន។
Time សរសេរលើ Twitter របស់ខ្លួន នៅថ្ងៃទី ២៥/១១ ថា ៖ “ប្រធានាធិបតីបាននិយាយពុំត្រឹមត្រូវនឹងវិធីដែលយើងខ្ញុំជ្រើសរើស “បុគ្គលប្រចាំឆ្នាំ”។ Time នឹងពុំប្រកាសចេញនូវប្រកាសអ្វីមួយពីឥទ្ធិពលនៃការជ្រើសរើសរបស់ខ្លួនរហូតដល់ពេលបោះពុម្ពផ្សាយលេខទស្សនាវដ្តី នាថ្ងៃទី ១០/១២”។
តាមអ្នកទទួលបន្ទុកខ្លឹមសាររបស់ Time Alan Murray ឲ្យដឹងបន្ថែមថា ព័ត៌មានទាក់ទងដល់ “បុគ្គលប្រចាំឆ្នាំ” ដែលប្រធានាធិបតី Trump លើកឡើងនោះពិតជា “ស្មានពុំដល់” ហើយ “ពុំមានការពិតណាមួយក្នុងនោះសោះ”។ ខណៈពេលនោះអតីតនិពន្ធនាយក Richard Stengel របស់ Time បានធ្វើការ “វាយបកចំពោះមតិនៃប្រធានាធិបតីអាមេរិក។
លោក Rochard និយាយថា ការដែល Time ហៅទៅកាន់លោក Trump ដើម្បីផ្តល់ព័ត៌មានថា “អាចក្លាយជាបុគ្គលប្រចាំឆ្នាំ” ពុំមានន័យថា ម្ចាស់សេតវិមាននិងទទួលបានគោរម្យងានេះផ្លូវការឡើយ។ តាមនោះគឺ Time គ្រាន់តែមានបំណងឲ្យលោក Trump ចូលរួមពិធីថតរូបមួយសម្រាប់ទស្សនាវដ្តីប៉ុណ្ណោះ។
កាលពីឆ្នាំ ២០១៦ ទស្សនាវដ្តី Time ធ្លាប់បានប្រគល់ពានរង្វាន់ “បុគ្គលប្រចាំឆ្នាំ” ឲ្យប្រធានាធិបតី Trump ក្រោយពេលលោកទទួលបានជោគជ័យពុំនឹកស្មានដល់ ក្នុងការបោះឆ្នោតនៅអាមេរិក។
គោលការណ៍របស់ទស្សនាវដ្តី Time គឺប្រគល់គោរម្យងារ “បុគ្គលប្រចាំឆ្នាំ” ឲ្យទៅអ្នកដែលបង្កបានឥទ្ធិពលខ្លាំងបំផុតប៉ុណ្ណោះទោះបី អ្នកនេះល្អឬមិនល្អសម្រាប់ព្រឹត្តិការណ៍១ឆ្នាំកន្លងមក។
នេះជាប្រពៃណីរបស់ទស្សនាវដ្តី មានតាំងពីឆ្នាំ ១៩២៧ម្លេះ ៕ ដោយ ៖ ចន្ទ្រា
