នៅព្រលានយន្តហោះ Los Angerless អាមេរិក រូបភាព២សន្លឹក បង្ហាញពីក្រុមនិស្សិតជប៉ុន និងចិនពេលកំពុងរង់ចាំរថយន្ត ដែលគេបង្ហោះផ្សាយលើបណ្តាញសង្គម វាគ្រប់គ្រាន់ នឹងវាយតម្លៃបានពីកម្រិតនៃការអប់រំវិន័យ និងសីលធម៌រស់នៅខុសគ្នាឆ្ងាយរវាងប្រទេសធំទាំង២នេះ ។
ក្រុមសិស្សនិស្សិតចិន
ក្រុមសិស្សនិស្សិតជប៉ុន
នៅមានរូបថត១សន្លឹកទៀត ដែលជនជាតិថៃម្នាក់បានថត នូវសកម្មភាពគួរឲ្យភ្ញាក់ផ្អើលរបស់ក្រុមនិស្សិតជប៉ុន ពេលអង្គុយរង់ចាំនៅព្រលានយន្តហោះថៃ ។
ក្រុមនិស្សិតជប៉ុនអង្គុយស្ងៀមស្ងាត់រង់ចាំ ។ ពួកគេពុំជជែកឡូឡា ពុំលេងទូរស័ព្ទ… តែក្នុងដៃពួកគេគឺសៀវភៅ១ក្បាលៗម្នាក់ ដែលពួកគេកំពុងអានយ៉ាងផ្ចិតផ្ចង់ ។
ទិដ្ឋភាពនេះខុសប្លែកទាំងស្រុង និងនៅព្រលានយន្តហោះ ស្ថានីយរថភ្លើង ប្រទេសដទៃ ពិសេសគឺចិនតែម្តង ។
វប្បធម៌អានសៀវភៅជាមោទនភាពមួយរបស់ពលរដ្ឋជប៉ុន ប្រសិនបើប្រៀបធៀបនឹងជនជាតិដទៃ ។ វាគឺជាទម្លាប់មួយដែលពួកគេចាត់ទុកវាជាវិធីលំហែអារម្មណ៍ ប្រមូលផ្តុំបង្កើនចំណេះដឹង ។ វាក្លាយជាវប្បធម៌មួយទៅហើយ ។
ពីបឋមសិក្សារហូតមធ្យមសិក្សា ក្មេងៗជប៉ុនសុទ្ធសឹងឯករាជ្យទម្លាប់អានសៀវភៅ មិនប្រឡែងគ្នា ជជែកគ្នាខ្លាំងៗរំខានអ្នកដទៃទេ ។
សៀវភៅដែលជប៉ុនបោះពុម្ពលក់សុទ្ធសឹងមានតម្លៃថោក តូចល្មមងាយយកតាមខ្លួន ។ នៅប្រទេសនេះយើងតែងឃើញពេលទំនេរ គឺគេអានសៀវភៅ ជាអាទិ៍ លើរថភ្លើង ធ្វើដំណើរឆ្ងាយ ពេលរង់ចាំយូរ។ល។
លើពិភពលោក អ៊ីស្រាអែល អានសៀវភៅប្រមាណ ៦៨ក្បាល ក្នុង១ឆ្នាំៗ នៅជប៉ុនគឺ ៤៤ក្បាល បារាំង ២៤ក្បាល កូរ៉េខាងត្បូង ១៥ក្បាល ប៉ុន្តែចិនបានត្រឹមតែ ៤,៧៧ក្បាលប៉ុណ្ណោះ បើគិតជាមធ្យមនោះ ។
មើលក្មេងៗទ្រាំទ្រដើរឆ្លងថ្នល់
ចន្ទ្រា
