នាង Manami Nomura ជាគិលានុបដ្ឋាយិកា និងជាកីឡាការិនីជនពិការ បាននិងកំពុងបំផុសគំនិតមនុស្សជាច្រើនលើអ៊ីនធឺណិត តាមរយៈការសម្តែងដ៏អស្ចារ្យរបស់នាង ជាមួយនឹងឧបករណ៍តន្ត្រីវីយូឡុង ដោយប្រើដៃស្តាំសិប្បនិមិត្តរបស់នាង ។
Nomura បានបាត់បង់ដៃស្តាំ នៅក្នុងគ្រោះថ្នាក់ចរាចរណ៍មួយនៅក្នុងខែវិច្ឆិកា ឆ្នាំ២០០៤ ។ នាងនៅតែបន្តការសិក្សាជាគិលានុបដ្ឋាយិកានៅគ្រានោះ ប៉ុន្តែ នាងត្រូវបានបង្ខំឲ្យបោះបង់ក្តីសុបិន្តរបស់នាង ។ ទោះយ៉ាងណា អ្វីៗបានចាប់ផ្តើមបង្ហាញភាពល្អប្រសើរសម្រាប់ Nomura បន្ទាប់ពីនាងទទួលយកដៃសិប្បនិម្មិតមួយ ។
នាងបន្ទាប់មក បានសម្រេចចិត្តបន្តមុខរបររបស់នាង ជាគិលានុបដ្ឋាយិកា ហើយចាប់ផ្តើមចូលហែលទឹក នៅក្នុងឆ្នាំ២០០៧ បន្ទាប់ពីត្រូវបានផ្តួចផ្តើមគំនិតដោយមនុស្សដែលក៏ជាជនពិការដូចជារូបនាងដែរ ប៉ុន្តែ ក៏នៅតែអាចលេងកីឡាផងដែរ, នេះបើយោងតាមទំព័រជនពិការរបស់នាង ។
Nomura បន្ទាប់មក បានចូលរួមកម្មវិធីប្រកួតកីឡាជនពិការ Paralympics ឆ្នាំ២០០៨ នៅក្នុងទីក្រុងប៉េកាំង ទីកន្លែងដែលនាងជាប់ចំណាត់ថ្នាក់លេខ៤ នៅក្នុងវិញ្ញាសារប្រកួតហែលទឹករយៈចម្ងាយ ១០០ ម៉ែត្រ ។
នាងក៏បានទទួលបានចំណាត់ថ្នាក់លេខ ៨ នៅក្នុងការប្រកួតប៉ារ៉ាឡាំពិកក្រុងឡុងដ៍ឆ្នាំ២០១២ ។
Kids Should See This បានរាយការណ៍ថា Nomura ដែលត្រូវបានរាយការណ៍ថា ជាគិលានុបដ្ឋាយិកាដំបូងគេនៅក្នុងប្រទេសជប៉ុន ដែលបំពាក់ដៃសិប្បនិម្មិត ឥឡូវនេះ បានធ្វើដំណើរទេសចរណ៍នៅក្នុងប្រទេស ហើយចែករំលែកការសម្តែងកូតវីយូឡុងដ៏អស្ចារ្យ ទៅកាន់ពិភពលោក នៅឯនៅមជ្ឈមណ្ឌលសុខុមាលភាពទូទៅក្រុង Takarazuka ស្ថិតក្នុងខេត្ត Hyōgo កាលពីថ្ងៃទី០២ កញ្ញា ៕ ចន្ទី (nextshark)