រាជធានីភ្នំពេញ ៖ បុរស ម្នាក់ស្លាប់ និងម្នាក់ទៀតរងរបួស ខណៈពេលកំពុងជិះម៉ូតូឌុបគ្នា ស្រាប់តែមានរថយន្តកុងតឺន័រ បើកបុកពីក្រោយ ហើយបើករត់គេចខ្លួនបាត់ កាលពីវេលាម៉ោង៧:៣០នាទីយប់ ថ្ងៃទី១២ ខែកញ្ញា ឆ្នាំ២០១៨នេះ ត្រង់ចំណុចមុខបន្ទាយកងពលតូចលេខ៧០ ផ្លូវជាតិលេខ៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះដែលស្លាប់ឈ្មោះ ប្រាក់ បុរី កើតឆ្នាំ១៩៨១ មានស្រុកកំណើតនៅពាមឧកញ៉ាអ៊ុង ស្រុកល្វាឯម ខេត្តកណ្ដាល ។ ជនរងគ្រោះនិងបុរសម្នាក់ទៀត ជិះម៉ូតូមួយគ្រឿងម៉ាក Smash ស៊េរីចាស់ ពាក់ស្លាកលេខភ្នំពេញ 1AI-9502 ឌុបគ្នា មកដល់កន្លែងកើតហេតុ ស្រាប់តែមានរថយន្តកុងតឺន័រ មួយគ្រឿង បើកយ៉ាងលឿនទៅបុកម៉ូតូជនរងគ្រោះ បណ្តាលឲ្យជនរងគ្រោះដួលបោកក្បាលបាក់កស្លាប់ភ្លាមៗនៅកន្លែងកើត ហើយរថយន្តបង្កបានព្យាយាមបើករត់បាត់៕ ដោយ៖បញ្ញាស័ក្តិ
