កាលពីថ្ងៃទី៦កញ្ញា ភ្ញៀវមួយក្រុមបានចូលបរិភោគស៊ុបនៅភោជនីយដ្ឋានមួយដ៏ល្បីល្បាញនៅវ៉ាងហ្វាង ខេត្តសានដុង (ចិន) ក្រោយពេលដួសបានកណ្តុរមួយក្បាលនៅបាតឆ្នាំងស៊ុបរបស់ពួកគេ ស្រាប់តែម្ចាស់ហាងប្រកាសថា នឹងសងជំងឺចិត្តឱ្យក្រុមភ្ញៀវនេះ៥០០០យន់(ប្រមាណ៧២៨ដុល្លារ) ភ្ញៀវទាំងនោះនិយាយថា ពួកគេទៅពិនិត្យសុខភាពសិន ចាំជជែកគ្នាបន្ត។
ក្រោយពីទៅពិនិត្យនៅមន្ទីរពេទ្យរួច ពួកគេក៏ទៅជួបម្ចាស់ហាងវិញ ហើយប្រាប់ថា ក្នុងចំណោមពួកគេមាននារីម្នាក់កំពុងមានគភ៌។
ឮបែបនេះស្រាប់តែម្ចាស់ហាងប្រកាសយ៉ាងគឃ្លើនថា៖ ប្រសិនបើនារីនោះខ្វាយខ្វល់នឹងបញ្ហាសុខភាពរបស់ក្មេងដែលពុំទាន់កើត គេនឹងឱ្យលុយ២០.០០០យាន់(ប្រមាណ២៩០០ដុល្លារ)ដើម្បីឱ្យនាងអាចបំផ្លាញគភ៌នេះចោលក៏បាន។ហេតុការណ៍នេះកើតឡើងនៅហាងស៊ុបXiabu Xiabu ដែលជាភោជនីយដ្ឋានស៊ុបដ៏ល្បីល្បាញនៅក្រុងប៉េកាំង ហើយមានសាខាជាច្រើននៅពេញប្រទេសចិន។
អាជ្ញាធរត្រួតពិនិត្យប្រចាំតំបន់ប្រកាសថាពួកគេបានចាប់ផ្ដើមបើកការស៊ើបអង្កតករណីនេះហើយ៕
សូយន
