ថ្លើម ជាសេរីរាង្គមួយដ៏មានសំខាន់បំផុតសម្រាប់មនុស្សគ្រប់រូប ព្រោះវាមានតួនាទីបន្សាបជាតិពុល នៅក្នុងរាងកាយ ដែលកើតឡើងដោយសារ ការដកដង្ហើម ការទទួលទានអាហារមិនល្អ ជាពិសេសការសេពគ្រឿងស្រវឹង និងជក់បារីជាដើម។ ទោះបីជាថ្លើមជាភ្នាក់ងារបន្សាបជាតិពុលក៏ដោយ តែបើជាតិពុលច្រើនហួសកម្រិតពេក វាប្រាកដជាធ្វើឲ្យថ្លើមអ្នកចុះខ្សោយទ្រុឌទ្រោមជាលំដាប់។
ខាងក្រោមនេះ យើងខ្ញុំនឹងបង្ហាញអ្នកពីសកម្មភាពទាំង២ដែលអ្នកគួរតែធ្វើនៅពេលព្រឹក ព្រោះវាជំនួយដល់ ថ្លើមអ្នកខ្លាំង។ តើមានអ្វីខ្លះទៅ?
១. ក្រោយពេលដែលអ្នកក្រោកពីគេង អ្នកអាចពិសារទឹកចំនួនមួយកែវ ព្រោះវាអាចជួយធ្វើឲ្យ អ្នកងាយបញ្ចេញ ជាតិពុលតាមរយៈការបត់ជើងធំ។ ប៉ុន្តែទឹកនោះមិនគួរជាទឹកកកនោះទេ។ អ្នកគួរតែញ៉ាំទឹកដែលដាំពុះ ហើយទុកឲ្យត្រជាក់ ដោយមានសីតុណ្ហភភាពចន្លោះពី៣០ ដល់៣៥អង្សាសេ ទើបល្អចំពោះសុខភាពអ្នក។
២. ពេលព្រឹក ជាពេលដែលល្អបំផុតក្នុងការបញ្ចេញជាតិពុលពីថ្លើម។ ការបញ្ចេញជាតិពុលនេះ អាចធ្វើបានតាម រយៈការបត់ជើងធំ។ ដូចនេះ អ្នកគួរតែបត់ជើងធំក្រោយពេលក្រោកពីគេង ហើយមុនបរិភោគអាហារ ពេលព្រឹក ចំនួន២ម៉ោង។
ប្រភព ៖ buzzlife
សុភ័ក្ត្រ
