បណ្ដាក្រុមហ៊ុនរុស្ស៊ីនិងចិន ត្រូវអាមេរិកដាក់ទណ្ឌកម្មដោយចោទប្រកាន់ថាពួកគេបានផ្ទេរលុយមិនស្របច្បាប់ទៅកូរ៉េខាងជើង។
វិធានការដាក់ទណ្ឌកម្មរបស់អាមេរិក សំដៅលើក្រុមហ៊ុនបច្ចេកវិជ្ជាYanbian Silverstar Network មានស្នាក់ការនៅ ប្រទេសចិន នាយកប្រតិបត្ដិជាពលរដ្ឋកូរ៉េខាងជើងឈ្មោះJong Song-hwa និងសាខារបស់ក្រុមហ៊ុនរុស្ស៊ីVolasys Silver Star ។
រដ្ឋមន្ត្រីក្រសួងហិរញ្ញវត្ថុអាមេរិក Steven Mnuchin ប្រកាសថា ការដាក់ទណ្ឌកម្មនេះសំដៅទប់ស្កាត់បណ្ដាប្រភព ចំណូលមិនស្របច្បាប់ត្រូវបានផ្ទេរទៅកាន់កូរ៉េខាងជើងពីក្រុមកហ៊ុនបចេ្ចកវិជ្ជាព័ត៌មាននៅបរទេសបិទបាំងអត្តសញ្ញាណ ឬបន្លំខ្លួនក្នុងក្រុមហ៊ុន ប្រើប្រាស់ឈ្មោះក្លែងក្លាយសញ្ជាតិទីបី»។ លោកព្រមានថា បណ្ដាក្រុមហ៊ុនទាំងអស់លើពិភពលោក គប្បីចាប់អារម្មណ៍យ៉ាងពិសេសលើបញ្ហានេះ ដើម្បីធានាថាពុំមានការជួលកម្មករកូរ៉េខាងជើងដោយអចេតនាមកធ្វើការក្នុងគ្រោងការណ៍បច្ចេកវិជ្ជាទាំងឡាយ។
មកទល់ពេលនេះ រដ្ឋការអាមេរិក Donald Trump នៅតែបន្តដាក់សម្ពាធដោយប្រើប្រាស់ទណ្ឌកម្មទាំងឡាយត្រូវបានអនុម័ត បំណងបញ្ចុះបញ្ចូលឱ្យកូរ៉េខាងជើងបោះបង់ចោលអាវុធនុយក្លេអ៊ែរ៕
សូយន
