អង្គការឃ្លាំមើលសិទ្ធិមនុស្ស (SOHR)នៅថ្ងៃទី១៣ ខែកញ្ញាឱ្យដឹងថា មានមនុស្សស្លាប់ដល់ទៅ៣៦០.០០០នាក់ ក្នុងសង្រ្គាមអូសបន្លាយ៧ឆ្នាំមកហើយនៅប្រទេសនេះ។ ប៉ុន្ដែវាពុំទាន់គ្រប់គ្រាន់ទេ ខណៈពេលដែលកងទ័ពរដ្ឋាភិបាល Syria ត្រៀមបើកការវាយប្រហារដើម្បីរំដោះខេត្តIdlib ដែលត្រួតត្រាដោយភាគីប្រឆាំង។SOHR បានឱ្យដឹងពីតួលេខដែលគេបានកត់ត្រាគឺមានមនុស្សស្លាប់ដល់ទៅ 364.792 នាក់ហើយក្នុងនោះប្រមាណ៣០ភាគរយគឺជាពលរដ្ឋសាមញ្ញ។
តួលេខនេះបានកើនឡើងបន្ថែម១៣០.០០០នាក់ទៀតដែលពុំទាន់បានបូកបញ្ចូលក្នុងអំឡុង៦ខែថ្មីៗនេះ។
ទិន្នន័យលំអិតបន្ថែមនោះ ជម្លោះអូសបន្លាយ២ឆ្នាំនេះបណ្ដាលឱ្យពលរដ្ឋសាមញ្ញស្លាប់110.687 មានកុមារជាង២០.០០០នាក់ ហើយស្រ្តីជិត១៣.០០០នាក់ ក្រៅពីនោះមនុស្សប្រមាណជាង១២៤.០០០នាក់បានស្លាប់ក្នុងសមរភូមិប្រយុទ្ធ ដែលទាំងនោះគឺជាទាហានរដ្ឋាភិបាល។ ចំណែកក្រុមប្រឆាំងវិញមានមនុស្សស្លាប់ប្រមាណ៦៤.០០០នាក់ ដែលរួមមានពួក IS និងក្រុមភេរវករ al-Qaeda ។ស្ថិតិរបស់SOHR ត្រូវបានបង្ហាញចេញនៅមុនពេលដែលកងទ័ពSyriaត្រៀមបើកការវាយលុករំដោះខេត្តIdlib ដោយមានកងទ័ពរុស៊្សីធ្វើជាបង្អែកនោះ។
ម៉្យាងទៀតសង្រ្គាមនៅតាមតំបន់ទាំងឡាយនៃប្រទេសSyriaក្នុងអំឡុង៧ឆ្នាំកន្លងមកបានរុញច្រានពលរដ្ឋប្រទេសប្រមាណ ៣លាននាក់មករស់នៅក្នុងខេត្តIdlib ដែលជាសមរភូមិបាននិងកំពុងរងការវាយប្រហារពីដែនអាកាសដោយកងទ័ពរុស៊្សីនិងSyria៕
សូយន
