ប៉ូលិសនៅរដ្ឋMassachusetts មានករណីឆេះនិងផ្ទុះជាង៧០កន្លែងបានកើតឡើងនៅថ្ងៃទី១៣ខែកញ្ញា ដែលគេសង្ស័យថា ឧស្ម័នហ្គាស។ករណីនេះបានធ្វើឱ្យរញ្ជួយតំបន់ធំមួយប៉ែកខាងជើងទីក្រុងBoston បណ្ដាលឱ្យមនុស្សរាប់រយនាក់ត្រូវគេជម្លៀសចេញ។
តាមស្ថានីយទូរទស្សន៍WCVB-TV របស់ Boston ឱ្យដឹងថា មានមនុស្សជាច្រើនបានរងរបួសក្នុងករណីឆេះផ្ទុះនេះ។ ក្រុមហ៊ុនអគ្គិសនីនៅតំបន់ក៏បានកាត់ផ្ដាច់អគ្គិសនីនៅតាមតំបន់ដែលរងឥទ្ធិពល។
រីឯលើលបណ្ដាញសង្គមTwitter របស់ប៉ូលិសវិញឱ្យដឹងថា ពេលនេះពុំទាន់អាចសន្និដ្ឋានបានអំពីមូលហេតុនាំឱ្យមានហេតុការណ៍នេះឡើយក្នុងពេលដែលប្រព័ន្ធព្សព្វផ្សាយក្នុងតំបន់និយាយថា រឿងនេះអាចផ្ដើមចេញពីការបែកធ្លាយបំពង់បញ្ជូនឧស្ម័ន។ រដ្ឋការប្រចាំតំបន់សំណូមពរឱ្យពលរដ្ឋជម្លៀសចេញរហូតមានការប្រកាសថ្មី៕
សូយន
