បច្ចុប្បន្ននេះមានវិធីសាស្ដ្រសម្រាប់មានរាងស្វែលស្អាតជាច្រើន៖ ការបរិភោគអាហារតម ហាត់ប្រាណ ហាតយូហ្គា។ល។ប៉ុន្ដែមានមនុស្សមិនតិចទេដែលខ្វះចិត្តអំណត់ចង់ទទួលយកបានផលភ្លាម ព្រោះតែមានសេវាមួយកំពុងរង់ចាំ៖ សេវាបូមខ្លាញ់ចេញពីរាងកាយ។
ការបូមខ្លាញ់គឺជាវិធីកម្ចាត់ខ្លាញ់ចេញពីរាងកាយបានយ៉ាងឆាប់។ប៉ុន្ដែគួរចងចាំថា ពុំមែនមនុស្សសុទ្ធតែអាចបូមខ្លាញ់ចេញនោះទេ។ តាមអ្នកឯកទេស ការបូមខ្លាញ់អាចទទួលបានជោគជ័យច្រើនចំពោះអ្នកមានបរិមាណខ្លាញ់កម្រិតមធ្យម។ប្រសិនបើសុភាពនារីទាំងឡាយមានសមាមាត្រខ្លាញ់ខ្ពស់ពេក ឬមានពីលើដល់ក្រោមនោះ គេទូន្មានពុះគប្បីជ្រើសរើសយកវិធីបូមខ្លាញ់ដើម្បីសម្រកទម្ងន់ ហើយមានរាងស្វែលនោះទេ។
មូលហេតុគឺពេលនោះបណ្ដាកោសិកាថ្លើមមបានក្លាយជាដុំពក ពេលខ្លះគេកាត់ចេញមកមានទំហំប៉ុនស៊ុតឯណោះ ។ហេតុនេះវាពិបាកនឹងបូមឱ្យអស់ណាស់ អ្នកឯកទេសក៏កត់សម្គាល់ថា ក្នុងមួយលីត្រខ្លាញ់ដែលបូមចេញមានឈាមប្រមាណ ១,៣- ១,៤ ។មានន័យថា ការបូមខ្លាញ់ចេញកាន់តែច្រើន នោះអ្នកនឹងបាត់បង់ឈាមកាន់តែច្រើនដែរ ដូច្នេះហើយទើបការបូមខ្លាញ់ចំពោះអ្នកធាត់ជ្រុលគឺគ្រោះថ្នាក់ណាស់
សុភាពនារីទាំងឡាយត្រូវចងចាំទៀតថា ពុំមែនគ្រាន់តែបូមខ្លាញ់រួចនាងនឹងមានរាងស្វែលអស្ចារ្យភ្លាមនោះទេ អ្នកត្រូវអនុវត្តន៍របបហូបចុកនិងលំហាត់ប្រាណសមស្របមួយ ពុំនោះសោតរាងរៅមុនរបស់អ្នកនឹង«សណ្ឋិត»ចូលមកក្នុងរាងកាយអ្នកដដែលទេ
វត្ថុធាតុសម្រាប់ផលិតទឹកក្រឡុកដើម្បីរក្សារាង
រឿងរ៉ាវខាងលើពិតជាងាយស្រួលយល់ដឹង ប៉ុន្ដែមនុស្សជាច្រើមានចម្ងល់ថា ចំនួនខ្លាញ់ដែលបូមចេញនោះវារសាត់អណ្ដែតទៅទីណា។គេហទំព័រកែសម្ផស្សមួយបានផ្សាយព័ត៌មានថា ខ្លាញ់ដែលបូមចេញទាំងនោះអាចត្រូវបានយកទៅបូមបន្ដឹងដើមទ្រូង បន្ដឹងស្បែកមុខនិងផលិតជាគ្រឿងថែសម្ផស្ស ប្រាកដណាស់រឿងនេះពិតជាមាន ប៉ុន្តែសម្រាប់ហាងកែសម្ផស្សដែលរកស៊ីគ្មានគុណធម៌ប៉ុណ្ណោះ ។ព្រោះតាមវិទ្យាសាស្ត្រ ដោយសារកត្តាប្រព័ន្ធការពាររាងកាយមិនអនុញ្ញាតឱ្យយក«របស់»ពីមនុស្សម្នាក់ទៅលក់ឬចែករំលែកចូលក្នុងសរីរាង្គរបស់អ្នកផ្សេង ដោយសារវាអាចបង្កប្រតិកម្មធ្វើឱ្យរលាក ហើមខ្លាំង និងអាចបណ្ដាលឱ្យស្លាប់បានទៀតផង៕
សីសា
