កូនគោក្បាលពីរ១ក្បាល បានធ្វើឲ្យអ្នកភូមិមួយនៅក្នុងប្រទេសឥណ្ឌា ភ្ញាក់ផ្អើលជាខ្លាំង បន្ទាប់ពីវាបានកំពុងពុះពារទៅនឹងភាពចម្លែកនេះ ដើម្បីបន្តរស់អស់រយៈពេលជាង១ខែ ។ កូនគោមិនទាន់ត្រូវបានដាក់ឈ្មោះនេះ កើតកាលពីថ្ងៃទី១០ ខែសីហា នៅក្នុងភូមិ Navalur នៅក្នុង Thajavur នៃរដ្ឋ Tamil Nadu ភាគខាងត្បូងប្រទេសឥណ្ឌា ។
បើទោះបីជាកូនគោទើបកើតនេះ បានមានមុខ២ (ភ្នែកសរុប៣, ច្រមុះ២, ត្រចៀក១គូ និងមាត់១) តែវាមានដងខ្លួនតែមួយប៉ុណ្ណោះ ។ ម្ចាស់កូនគោចម្លែកនេះឈ្មោះ Sanglimuthu និយាយថា៖ «យើងពិតជាភ្ញាក់ផ្អើលយ៉ាងខ្លាំង នៅពេលយើងបានឃើញភាពចម្លែករបស់វាយ៉ាងនេះ» ។
យើងពុំដែលបានឃើញសត្វក្បាល២ ដែលកើតនៅក្នុងភូមិរបស់យើងនោះទេ ។ គ្មាននរណាម្នាក់នៅក្នុងភូមិ ដែលក្នុងនោះរួមទាំងពេទ្យសត្វ ជឿថាកូនគោនេះអាចនៅមានជីវិតរហូតដល់រយៈពេល១សប្តាហ៍នោះទេ ប៉ុន្តែ កូនគោនេះបានពុះពារចំពោះភាពចម្លែករបស់វាបានមកទល់ពេលនេះ បានរយៈពេលជាង១ខែហើយ ។ កូនគោនេះមានសុខភាពល្អ ហើយយើងបានផ្តល់ទឹកដោះគោដល់វា ៥ ដងក្នុង១ថ្ងៃ ។
មានមនុស្សជាច្រើន បានកំពុងមកកាន់ផ្ទះរបស់ Sanglimuthu ជារៀងរាល់ថ្ងៃ ដើម្បីបានឃើញសភាពចម្លែកនៃសត្វរបស់គាត់ ។ អ្នកភូមិម្នាក់ឈ្មោះ Thirumurugan និយាយថា៖ «យើងទាំងអស់គ្នាពិតជាមានការភ្ញាក់ផ្អើលមែនទែន នៅពេលពួកយើងបានលឺថា មានកូនគោក្បាល២កើតនៅក្នុងភូមិរបស់យើង ។ វាពិតជាអព្ភូតហេតុមួយ» ។
បាតុភូតនេះបានជឿថាវាកើតឡើង នៅពេលអំប្រ៊ីយ៉ុងចាប់ផ្តើមបំបែកទៅជាកូនភ្លោះ ប៉ុន្តែ បានឈប់លូតលាស់ ដោយកូនភ្លោះនៅតែជាប់គ្នា ។ ក្បាលនីមួយៗរបស់សត្វពហុស្បូននេះ មានខួរក្បាលផ្ទាល់ខ្លួនរបស់វា ហើយពួកវាចែករំលែកការគ្រប់គ្រងទៅលើសរីរាង្គ និងអវៈយវៈ ទោះបីរចនាសម្ព័ន្ធជាក់លាក់នៃការតភ្ជាប់នេះផ្សេងពីគ្នា រវាងករណីនីមួយៗក៏ដោយ ។ ហើយសត្វដែលកើតមកជាមួយស្ថានភាពបែបនេះ អាចនៅរស់បានលើសពីពីរបីខែដ៏កម្រណាស់ ៕ ឧត្តម (www.msn.com)