ឆ្នាំជូត ៖ ការងារ មិនល្អ ត្រូវប្រយ័ត្នមានអ្នករំខានឆាឆៅក្នុងការងារ ។ លុយកាក់ មិនស្ថិរភាព គួរសន្សំសំចៃបញ្ចៀសធ្លាក់ក្នុងសភាពជាកូនបំណុលគេ ។ មនោសញ្ចេតនា មានភាពមិនចុះសម្រុងនឹងគ្នាច្រើន ។
ឆ្នាំឆ្លូវ ៖ ការងារ ធម្មតា ពុំកើតមានរឿងអ្វីក្រៅបំណង។ លុយកាក់ ផ្លូវចិត្តមិនល្អ ឥទ្ធិពលដល់ការចាយវាយ ។ មនោសញ្ចេតនាប្រយ័ត្នវត្តមាន “សត្រូវស្នេហា” ។
ឆ្នាំខាល ៖ ការងារ អំណោយផលល្អគ្រប់យ៉ាង ទោះបីមានអ្នកច្រណែនឈ្នានីសតែរាល់បញ្ហាសុទ្ធតែត្រូវបានដោះស្រាយរួច ។ លុយកាក់ គួរចេះក្តាប់ឱកាសរកប្រាក់ តែក៏ត្រូវស្តាប់យោបល់អ្នកជុំវិញមុនពេលសម្រេចបោះទុន ។ មនោសញ្ចេតនាមានឱកាសបានជួបមនុស្សក្នុងសុបិន្ត ។
ឆ្នាំថោះ ៖ ការងារ ត្រូវយកចិត្តទុកដាក់ក្នុងកិច្ចការរបស់ខ្លួន មិនត្រូវអន្តរាគមន៍ចូលជ្រៅក្នុងរឿងអ្នកដទៃ ។ លុយកាក់ ត្រូវសកម្មស្វែងរកឱកាសជួបមិត្តភក្តិនោះអ្នកបានប្រយោជន៍ច្រើន សម្រាប់ការរកចំណូលបន្ថែម ។ មនោសញ្ចេតនា រីករាយ កក់ក្តៅ ។
ឆ្នាំរោង ៖ ការងារផ្លូវចិត្តមិនសប្បាយឥទ្ធិពលដល់ប្រសិទ្ធភាពការងារ ត្រូវសម្រួលអារម្មណ៍ឡើងវិញ ។ លុយកាក់ ធ្លាក់ចុះប្រយ័ត្នមានបាត់បង់លុយកាក់ របស់របរ ។ មនោសញ្ចេតនា គួរម្ចាស់ការក្នុងរឿងមនោសញ្ចេតនា កុំរំពឹងអ្នកផ្សេងឲ្យជួយ ។
ឆ្នាំម្សាញ់ ៖ ការងារ ប្រែប្រួលតាមទិសសកម្ម មានអ្នកជួយយកអាសា ជ្រោមជ្រែង ។ លុយកាក់ ស្ថានភាពហិរញ្ញវត្ថុមិនល្អ ជាថ្ងៃមិនអំណោយផលសម្រាប់ការស្វែងរកលាភ ។ មនោសញ្ចេតនា មិនល្អ មានរឿងរកាំរកូសនឹងគ្នាច្រើន ។
ឆ្នាំមមី ៖ ការងារ ព្យាយាមធ្វើការជាមួយនឹងស្មារតីទទួលខុសត្រូវខ្ពស់ហេតុនេះ សម្រេចបានសមិទ្ធផលច្រើនក្នុងការងារ ។ លុយកាក់ ល្អប្រសើរ និងមានបន្ថែមឱកាសល្អសម្រាប់ការបង្កើនចំណូល ។ មនោសញ្ចេតនា ត្រូវចេះគោរពថែរក្សាមនោសញ្ចេតនាបច្ចុប្បន្ន ។
ឆ្នាំមមែ ៖ ការងារ គ្រប់យ៉ាងប្រព្រឹត្តទៅដោយរលូន គ្មានឧបសគ្គ ឬការលំបាករាំងស្ទះ ។ លុយកាក់ អាចបោះទុនវិនិយោគ តែលើកលែងផ្នែកអចលនទ្រព្យ ។ មនោសញ្ចេតនា មានឱកាសបានជួបមនុស្សដែលខ្លួនពេញចិត្ត ។
ឆ្នាំវក ៖ ការងារ មិនត្រូវរវល់រឿងអ្នកដទៃ ព្រោះថ្ងៃនេះធ្វើគុណបានទោស ។ លុយកាក់ មានទាំងព័ត៌មានល្អ និងអាក្រក់អំពីលុយកាក់ មិនត្រូវជឿសម្តីគេជ្រុល បញ្ចៀសត្រូវគេបោកបរាស់ ។ មនោសញ្ចេតនា ងាយកើតមានទំនាស់ ឈ្លោះប្រកែកគ្នា ប្រសិនដោះស្រាយមិនបានល្អ នឹងឥទ្ធិពលដល់អាពាហ៍ពិពាហ៍ ។
ឆ្នាំរកា ៖ ការងារ ជួបរឿងមិនសប្បាយចិត្តច្រើន ត្រូវអត់ធ្មត់កុំឆេវឆាវ ។ លុយកាក់ ស្ថិរភាព ។ មនោសញ្ចេតនា ល្អប្រសើរ ។
ឆ្នាំចរ ៖ ការងារ ធ្វើកិច្ចការរបស់ខ្លួនឲ្យរួចរាល់សិនចាំគិតដល់ការជួយអ្នកដទៃ ។ លុយកាក់ ធ្លាក់ចុះគួរគ្រប់គ្រងឲ្យបានល្អចំណូល-ចំណាយ ។ មនោសញ្ចេតនា មានទំនាស់នឹងគ្នាដោយសាររឿងកំប៉ិកកំប៉ុក ។
ឆ្នាំកុរ ៖ ការងារ រីកចម្រើនទៅមុខ អ្នកនៅជុំវិញស្រឡាញ់រាប់អាន ។ លុយកាក់ ជួបឱកាសល្អៗច្រើនក្នុងការបង្កើនចំណូលថែម តែមិនត្រូវប្រញាប់ប្រញាល់អន្ទះសារជ្រុល ។ មនោសញ្ចេតនា ផ្អែមល្ហែម សុភមង្គល ៕