នៅថ្ងៃទី ១២ ខែមេសា ឆ្នាំ ២០១៧ លោក Joshua Horner ជាជាងទឹកនៅទីក្រុង Redmond អាមេរិក ត្រូវបានចោទប្រកាន់ពីបទរំលោភផ្លូវភេទ ហើយត្រូវបានតុលាការកាត់ទោសឲ្យជាប់ពន្ធនាគារ ៥០ឆ្នាំ ។
នារីដែលជា “ជនរងគ្រោះ” បានឆ្លើយក្នុងសវនាការថា Joshua ធ្លាប់បានគំរាមសម្លាប់សត្វចិញ្ចឹមក្នុងផ្ទះរបស់នាង ប្រសិននាងហ៊ានរាយការណ៍ប្រាប់ប៉ូលិស ។ តាមចម្លើយរបស់នារីនោះ Joshua បានប្រើកាំភ្លើងបាញ់សម្លាប់ឆ្កែរបស់ខ្លួន នៅចំពោះមុខនាង បំណងបញ្ជាក់ថា គាត់ពុំ “និយាយលេង” ទេ ។ ចម្លើយនេះឯងបានផ្តល់ឱកាសឲ្យលោក Joshua Horner មានតម្រុយដោះស្រាយបញ្ជាក់ពីភាពបរិសុទ្ធរបស់ខ្លួនបាន ។
នារីនោះថា Joshua បានបាញ់សម្លាប់ឆ្កែនេះ នៅពីមុខនាងដើម្បីបញ្ជាក់ថា ពុំនិយាយលេងទេ ។
ក្រោយពេលតុលាការកាត់ទោស Joshua ទាក់ទងជាមួយអង្គការ Oregon Innocence Project ជំនាញស្វែងរកភស្តុតាង ផ្តល់យុត្តិធម៌ឲ្យអ្នករងការកាត់ទោសច្រឡំ ។ ក្រោយពីពិនិត្យមើលសំណើររបស់ Joshua អង្គការនេះយល់ព្រមជួយដល់គាត់ ។
លោក Joshua បានប្រាប់អង្គការនេះថា ៖ លោកពុំដែលបាញ់សម្លាប់ឆ្កែទេ ហើយប្រសិនរកឃើញឆ្កែនោះនៅរស់ វាជាភស្តុតាងបញ្ជាក់ថា នារីនោះនិយាយកុហកតុលាការ ទោះបីជាបានស្បថក៏ដោយ ។
លោក Joshua ប្រាប់ថា លោកបានឲ្យឆ្កែនេះទៅអ្នកផ្សេង ហើយបានពណ៌នាប្រាប់ពីភិនភាគ ពណ៌សម្បុរ ពូជរបស់វា ។ ប៉ុន្តែក្រោយការរុករក១រយៈពុំមានលទ្ធផលសោះ ។
យ៉ាងណាមួយរយៈក្រោយមកទៀត ដោយការព្យាយាម គេបានរកឃើញឆ្កែរបស់លោក Joshua ឈ្មោះ Lucy នៅតំបន់ឆ្នេរសមុទ្រ Oregon ។ ម្ចាស់ថ្មី និងចាស់របស់សុនក Lucy បានសន្យាជួបគ្នា ព្រមទាំងសមត្ថកិច្ចនៅតារាងលេងកូនហ្គោលមួយនៅទីក្រុង Gearhart ។
ពិតណាស់! ឆ្កែនេះពុំបានត្រូវបាញ់សម្លាប់ដូចម្លើយរបស់នារីដែលចោទប្រកាន់លោក Joshua ទេ ។ វានៅរស់ ។
ចុងក្រោយនៅថ្ងៃទី ១០ ខែកញ្ញា កន្លងមក តុលាការសង្កាត់ Deschutes County លោកចៅក្រម Michael Adler បានចេញសាលក្រមព្យាករណ៍សាលក្រមមុននោះ ។
ដូច្នេះតាមរយៈសុនក ១ក្បាលនោះ លោក Joshua អាចបញ្ចប់បាននូវសុបិន្តអាក្រក់… ៥០ឆ្នាំក្នុងគុក ។
លោក Joshua Horner មានស្នាមញញឹមសារជាថ្មី ៕ ចន្ទ្រា