តាមកាសែត Guardian ព្យុះ Mangkhut កំពុងស្ថិតនៅលើផ្លូវសំដៅទៅកាន់ប្រទេសហ្វីលីពីន ហើយវានឹងចាប់ផ្ដើមវាយប្រហារដែនគោកនៅខេត្ត Cagayan ប្រទេសនេះនៅព្រឹកថ្ងៃសៅរ៍១៥កញ្ញានេះ ។
ក្រុមអ្នកជំនាញព្យាករណ៍ថា ព្យុះMangkhut នឹងចលនាឆ្លងកាត់សមុទ្រចិនខាងត្បូង រួចចូលកៀកហុងកុង ក្នុងវិជ្ឈមាត្រប្រមាណ១០០គីឡូម៉ែត្រនៅព្រឹកថ្ងៃអាទិត្យស្អែកនេះ វាបានធ្វើឱ្យភ្លៀងធ្លាក់ក្នុងវិលាលភាពធំទូលាយប្រហែលដល់ទៅ៩០០គីឡូម៉ែត្រ។ភ្លៀងធំដោយសារព្យុះនេះនឹងធ្វើឱ្យមានការបាក់ស្រុតដីយ៉ាងធ្ងន់ធ្ងរ និងធ្វើឱ្យមានការជន់លិចនៅក្នុងតំបន់ដែលវាឆ្លងកាត់។
ក្នុងអង្គប្រជុំបន្ទាន់របស់ថ្នាក់ដឹកនាំប្រទេសហ្វីលីពីនឱ្យដឹងថា មានពលរដ្ឋប្រមាណ៤,២លាននាក់នៅខេត្តCagayan និងខេត្តIsabela ស្ថិតនៅជាប់នោះកំពុងស្ថិតនៅចំមុខព្រួញនៃការកម្ទេចដោយផ្ទាល់របស់ព្យុះសង្ឃរានេះ។មានផ្ទះមិនរឹងមាំប្រមាណ៤៨០០០ខ្នងងាយនឹងរងមហន្ដរាយប៉ើងរលំ។
រដ្ឋាភិបាលប្រទេសហ្វីលីពីនបានប្រកាសអាសន្នខេត្ត ក្រុងចំនួន២៥លើកោះLuzon ភាគខាងជើងប្រទេសនេះ។
កងកម្លាំងសង្គ្រោះហ្វីលីពីនកំពុងត្រៀមខ្លួនកាលពីថ្ងៃទី១៣កញ្ញា
ពលទាហានហ្វីលីពីនធ្វើសមយុទ្ធត្រៀមការងារសង្គ្រោះ
ពលទាហាននិងបណ្ដាកងកម្លាំងសង្គ្រោះបានទទួលបញ្ជាឱ្យប្រចាំការ២៤ម៉ោងលើ២៤ម៉ោង
រពលរដ្ឋភាគខាងជើងហ្វីលីពីនកំពុងពង្រឹងផ្ទះសម្បែងត្រៀមទទួលព្យុះសង្ឃរា
គ្មានវិធីអ្វីក្រៅពីចំកោងខ្លួនប្រឈមនឹងព្យុះ
ប្រធានាធិបតីហ្វីលីពីនក៏មានវត្តមានក្នុងមជ្ឈមណ្ឌលបង្ការគ្រោះមហន្ដរាយដើម្បីតាមមើលស្ថានការណ៍
ព្យុះMangkhut គឺជាព្យុះទី១៥ហើយដែលវាយលុកហ្វីលីលីពីនក្នុងឆ្នាំនេះ
Mangkhut គឺជាព្យុះខ្លាំងបំផុត។កាលពីឆ្នាំ២០១៣ ព្យុះHaiyan បានធ្វើឱ្យមនុស្សជាង៧៣០០នាក់បានស្លាប់ឬបាត់ខ្លួននិងធ្វើឱ្យមនុស្សជាង៥លាននាក់បាត់បង់អស់ផ្ទះសម្បែង៕
សូយន