ច្បាប់ពេស្យាចារនៅរដ្ឋមួយចំនួនរបស់អាមេរិក អ្នកទិញត្រូវបង់ប្រាក់ពិន័យលើសអ្នកលក់ពី៣ដល់១០ដង លើកលែងតែរដ្ឋNevada ចេញ រដ្ឋស្ទើរតែទាំងអស់នៅអាមេរិកសុទ្ធសឹងហាមឃាត់សកម្មភាពពេស្យាចារ។ក្នុងករណីនោះអ្នកទិញត្រូវបង់ប្រាក់ ពិន័យលើសពីអ្នកលក់ពី៣ដល់១០ដង ព្រោះតែសកម្មភាពពេស្យាចារត្រូវបានហាមឃាត់ ហេតុនេះពេលដែលប៉ូលិសចាប់ ភស្តុតាងបានគឺពួកគេក្លាយជាជនល្មើសដោយស្វ័យប្រវត្តិ។មានន័យថា ព័ត៌មានឯកជនរបស់ពួកគេអាចត្រូវបានចែករំលែកនិងចុះផ្សាយដោយចំហ។
ច្បាប់ប្រឆាំងពេស្យាចារនៅអាមេរិកអនុវត្តន៍ទាំងចំពោះអ្នកលក់និងអ្នកទិញ។នៅរដ្ឋមួយចំនួនគេពិន័យឱ្យជាប់ពន្ធនាគារ និងពិន័យប្រាក់ស្មើគ្នារវាងអ្នកទិញនិងអ្នកលក់ ប៉ុន្តែមានរដ្ឋចំនួន៩គឺ៖ Colorado, Kansas, Massachusetts, Montana, Nebraska, New York, North Carolina, Tennesseeនិង Utah បានកំណត់ប្រាក់ពិន័យចំពោះអ្នកទិញធ្ងន់ជាងអ្នកលក់។
ជាអាទិ៍រដ្ឋ Colorado ពិន័យអ្នកទិញស្មើនឹង១០ដងនៃប្រាក់ពិន័យអ្នកលក់។ឧទាហរណ៍អ្នកលក់ត្រូវចាប់ខ្លួនអាចជាប់គុក៦ខែឬបង់ប្រាក់ពិន័យ៧៥០ដុល្លារ ប៉ុន្តែអ្នកទិញវិញត្រូវបង់ប្រាក់៥០០០ដុល្លារ ហើយជាប់គុកពី១៨ខែឡើង។
នៅMassachusetts អ្នកលក់អាចជាប់គុក១ឆ្នាំ ឬបង់ពិន័យ៥០០ដុល្លារ ប៉ុន្តែអ្នកទិញវិញត្រូវជាប់គុក២ឆ្នាំកន្លះ ឬបង់ពិន័យពី១០០០ទៅ៥០០០ដុល្លារ។
នៅNew York កម្រិតទោសចំពោះអ្នកលក់គឺជាប់គុ៣ខែ ឬពិន័យប្រាក់៥០០ដុល្លារ ចំណែកអ្នកទិញវិញត្រូវជាប់គុក១ឆ្នាំឬបង់ពិន័យ៣០០០ដុល្លារ។ល។
សូម្បីតែនៅរដ្ឋ Nevada ដែលច្បាប់ទទួលស្គាល់ថាពេស្យាចារជាសេវាស្របច្បាប់មួយក៏មានការរឹតត្បិតមិនធម្មតាដែរទេ។តាមនោះគេអនុញ្ញាតឱ្យបើកផ្ទះបនលុះត្រាតំបន់នោះមានពលរដ្ឋក្រោម៧០០០០០នាក់។អ្នកគ្រប់គ្រងនិងបុគ្គលិកធ្វើការនៅទីនោះត្រូវចុះបញ្ជីផ្តល់ព័ត៌មានដល់ប៉ូលិសមូលដ្ឋាន។ស្រីពេស្យាចារត្រូវមានអាយុពី២១ឆ្នាំឡើង។ហើយគ្រាន់តែថ្លៃសេវាអាជ្ញាប័ណ្ណក្នុងចន្លោះពី១០០០០០ដុល្លារក្នុងមួយ១ឆ្នាំទៅ២០០០០០ដុល្លារឯណោះ។
ពិសេសស្រីពេស្យាត្រូវធ្វើតេស្តឈាមរៀងរាល់សប្តាហ៍ដើម្បីពិនិត្យរោគ HIVនិងទាមឡា។ពួកគេត្រូវបានណែនាំឱ្យប្រើស្រោមអនាម័យក្នុងពេលប្រកបរបរនេះ។
ម្ចាស់ផ្ទះបនអាចជួលស្រីពេស្យាបានដរាបណាពួកគេមានលិខិតវិភាគឈាមបញ្ជាក់ថាគ្មានរោគសង្គម៕
សូយន
