ស្រុកត្បូងឃ្មុំ ៖ សម្ដេចអគ្គមហាពញាចក្រី បានស្នើឲ្យមន្ត្រីគណបក្សគ្រប់ថ្នាក់ គ្រប់ផ្នែក ត្រូវបន្តខិតខំប្រឹងប្រែងបម្រើប្រជាជន ដោយខិតខំអនុវត្តឲ្យបាននូវកម្មវិធីនយោបាយរបស់គណបក្ស ដែលបានក្លាយជាកម្មវិធីនយោបាយរបស់រាជរដ្ឋាភិបាលនីតិកាលទី៦។
នៅព្រឹកថ្ងៃទី១៥ខែកញ្ញាឆ្នាំ១០២៨នេះ សម្ដេចអគ្គមហាពញាចក្រី ហេង សំរិនប្រធានកិត្តិយស គណបក្សប្រជាជនកម្ពុជា និងជាប្រធានក្រុមការងាររបស់គណៈកម្មាធិការកណ្ដាល ចុះជួយខេត្ត ត្បូងឃ្មុំ បានអញ្ជើញជាអធិបតីភាពដ៏ខ្ពង់ខ្ពស់ដឹកនាំកិច្ចប្រជុំបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦នៅទីស្នាក់ការគណបក្សស្រុកត្បូងឃ្មុំ។
សម្តេចអគ្គមហាពញាចក្រី ហេងសំរិន បានថ្លែងអំណរគុណ និងកោតសរសើរចំពោះឯកឧត្តម លោកជំទាវ លោក លោកស្រី ទាំងអស់ ដែលជាក្រុមការងាររបស់គណបក្សគ្រប់ថ្នាក់ ដែលបានខិតខំប្រឹងប្រែងបំពេញភារកិច្ចតាមការណែនាំរបស់គណបក្សទាំងកម្លាំងកាយ ប្រាជ្ញាស្មារតី សម្ភារៈ រហូតសម្រេចបាននូវលទ្ធផលដ៏ល្អប្រសើរនេះ។ ទន្ទឹមនេះតាមរយៈក្រុមការងារគណបក្សគ្រប់ថ្នាក់សម្តេច សូមថ្លែងអំណរគុណចំពោះមន្ត្រី សមាជិក សមាជិកាគណបក្ស និងប្រជាជនគ្រប់ស្រទាប់ដែលបាន បោះឆ្នោតគាំទ្រគណបក្សយើងនាពេលថ្មីៗ កន្លងមកនេះឲ្យបានគ្រប់មូលដ្ឋាន។
សម្តេចបានលើកឡើងនូវទិសដៅការងារមួយចំនួនដែលត្រូវអនុវត្តបន្ត រួមមាន ៖
១-មន្ត្រីគណបក្សគ្រប់ថ្នាក់ គ្រប់ផ្នែក ត្រូវបន្តខិតខំប្រឹងប្រែងបម្រើប្រជាជន ដោយខិតខំអនុវត្តឲ្យបាននូវកម្មវិធីនយោបាយរបស់គណបក្ស ដែលបានក្លាយជាកម្មវិធីនយោបាយរបស់រាជរដ្ឋាភិបាលនីតិកាលទី៦នៃរដ្ឋសភា ដែលរាជរដ្ឋាភិបាល ដឹកនាំដោយសម្ដេចអគ្គមហាសេនាបតីតេជោ ហ៊ុន សែន ទើបបានប្រកាសចេញ។
២-ខិតខំថែរក្សាពង្រឹងនូវសន្តិសុខសណ្តាប់ឆ្នាប់សង្គម ជូនប្រជាជន ទប់ស្កាត់រាល់ឧបាយកលប៉ុនប៉ងងបង្កអស្ថិរភាពទាំងឡាយ ទោះតាមរូបភាពណាក៏ដោយរបស់ពួកប្រឆាំង ដើម្បីរក្សាការរស់នៅប្រកបដោយនុវត្តភាពជូនប្រទេស។
៣-បន្តជម្រុញការអភិវឌ្ឍ នៅគ្រប់មូលដ្ឋានទូទាំងខេត្តតាមសំណូនពរ និង បំណងប្រាថ្នារបស់ប្រជាជន ឲ្យអស់លទ្ធភាព។ ខិតខំដោះស្រាយរាល់ការលំបាកជូនប្រជាជន ជាពិសេសប្រជាជនដែលរងគ្រោះដោយសារទឹកជំនន់កន្លងមក។ រាល់បញ្ហាប្រឈម និងការលំបាកទាំងឡាយរបស់ប្រជាជន។
៤-ត្រូវខិតខំពង្រឹងមន្ត្រីរដ្ឋបាល បម្រើសេវាសាធារណៈ គ្រប់ថ្នាក់ឲ្យកាន់តែមានប្រសិទ្ធភាព ឆាប់រហ័ស និងទាន់ពេលវេលា៕ ដោយ៖បញ្ញាស័ក្តិ
