មន្ត្រីប៉ូលីសម្នាក់ត្រូវបានផ្តល់យុត្តិធម៌ នៅក្នុងការបាញ់សម្លាប់ទៅលើបុរសម្នាក់ដែលសង្ស័យប្លន់ហាង Capitol Hill នៅខណៈពេលភ្ជង់គំរាមបាញ់មួយ ហើយនឹងពុំប្រឈមនឹងបទចោទប្រកាន់ណាមួយនោះទេ ។ នេះបើការិយាល័យមេធាវីស្រុក Denver ឲ្យដឹង ។
វីដេអូកាមេរ៉ានៃហេតុការណ៍បាញ់ប្រហារគ្នាដ៏សាហាវនេះ ត្រូវបានបញ្ចេញដោយព្រះរាជអាជ្ញា ។
យោងតាមលិខិតនៃសេចក្តីសម្រេចរបស់មេធាវី Beth McCann, បុគ្គលិកម្នាក់បានរត់ចេញមកខាងក្រៅ ហើយគ្រវីទង់ជាសញ្ញាឲ្យមន្ត្រីប៉ូលីស Denver ២ នាក់ឈប់ កាលពីថ្ងៃទី១៣ ខែមិថុនា នៅពេលជនសង្ស័យឈ្មោះ Carnell Nelson បានដកកាំភ្លើងនៅក្នុងហាង ស្ថិតនៅតាមបណ្តោយមហាវិថីមមាញឹក Colfax ស្ថិតនៅជិតរដ្ឋ Capitol ។
លោក McCann និយាយថា Nelson បានបាញ់លើកដំបូង ខណៈប៉ូលីសបានតាមប្រមាញ់គាត់ ហើយក៏បានបាញ់ប្រហារមន្ត្រីម្នាក់ឈ្មោះ Travis Lloyd ឲ្យរងរបួសនៅត្រង់ជើង ។
លិខិតរបស់ McCann បានឲ្យដឹងទៀតថា Nelson បានបាញ់ចំនួន ៥ គ្រាប់ ហើយក៏បានបាញ់ត្រូវជើងអ្នកឈរមើលម្នាក់ផងដែរ ។
McCann និយាយថា មន្ត្រីប៉ូលីស Lloyd បានបាញ់តបតចំនួន ១៣ គ្រាប់ និងបាញ់ប្រហារទៅលើ Nelson ១គ្រាប់ចំទ្រូង ។
McCann បន្តថា Lloyd បានកំពុងស្វ័យការពារខ្លួនរបស់គាត់ និងព្រមទាំងមនុស្សដទៃទៀត នៅលើដងផ្លូវ នៅពេលគាត់បាញ់ និងសម្លាប់ Nelson ៕ ឧត្តម (kdvr.com)