ប្រធានាធិបតី Nicolas Madurបានញ្ជាក់តាមទូរទស្សន៍ជាតិប្រទេសនេះថា «មានខ្ទង់កម្ចីហិរញ្ញវត្ថុដើម្បីជំរុញការផលិតប្រេងនិងមាស ក៏ដូចជាការវិនិយោគក្នុងគ្រោងការអភិវឌ្ឍ ៥០០នៅ Venezuela។
តាម AFP ប្រធានាធិបតីVenezuelaបន្ទាប់ពីចាប់ផ្តើមទស្សនកិច្ចនៅចិនកាលពីថ្ងៃទី១៤ខែកញ្ញា ក្នុងបំណងអាចបញ្ចុះបញ្ចូលក្រុងប៉េកាំងបង្កើនជំនួយគាំទ្រដល់ខឿនសេដ្ឋកិច្ចដែលកំពុងជួបវិបត្តិយ៉ាងធ្ងន់ធ្ងរក្នុងប្រទេសនេះ។
មួយទសវត្សកន្លងមក ប្រទេសចិនបានបង្ហូរប្រាក់ជាង៥០.០០០លានដុល្លារចូលក្នុងប្រទេសVenezuela តាមរយៈកិច្ចព្រមព្រៀងផ្ដល់កម្ចីដូរយកប្រេង ដែលជួយធានាប្រភពថាមពលសម្រាប់ការអភិវឌ្ឍយ៉ាងលឿននៃសេដ្ឋកិច្ច ក៏ដូចជាពង្រឹងសម្ព័ន្ធមិត្តរបស់ខ្លួននៅអាហ្វ្រិកខាងត្បូង។
ប៉ុន្ដែប្រភពលុយខាងលើបានត្រូវផ្អាកកាលពីជាង៣ឆ្នាំមុន បន្ទាប់ពីVenezuela ស្នើសុំកែសម្រួលមាត្រាមួយចំនួននៃការ សងបំណុល ព្រោះថ្លៃប្រេងដាំក្បាលចុះ ក៏ដូចជាទិន្នផលប្រេងថមថយចុះដែរនោះ។
បច្ចុប្បន្នVenezuela នៅជំពាក់បំណុលចិន២០.០០០លានដុល្លារ ហើយកំពុងទូទាត់សងជាប្រេងឆៅ ។តាមក្រុមហ៊ុនប្រឹក្សាយោបល់Ecoanalitica របស់Venezuela នោះក្រោយជំនួបជាមួយប្រធានាធិបតីចិន ប្រធានាធិបតីVenezuela អាចទទួលប្រាក់កម្ចី៥០.០០០លានដុល្លារនិងការពន្យារពេលសងបំណុល៦ខែទៀត។ប៉ុន្តែគេពុំទាន់ឃើញលោកMaduro បញ្ជាក់ពីប្រាក់កម្ចីថ្មីនេះទេ។ គេគ្រាន់តែដឹងថា ភាគីទាំងសងខាងបានចុះហត្ថលេខាលើអនុស្សរណៈមួយចំនួនអំពីថាមពលនិងអាជីវកម្មប្រេងដែលមាន តម្លៃច្រើនពាន់លានដុល្លារប៉ុណ្ណោះ។
គួររំលឹកថា អាជីវកម្មប្រេងជាប្រភពចំណូលដល់ទៅ៩៦ភាគរយរបស់ប្រទេសនេះ ប៉ុន្តែអាស្រ័យដោយការញាំញីដោយវិបត្តិសេដ្ឋកិច្ចដោយសារទិន្នផលប្រេងធ្លាក់ចុះ ធើ្វឱ្យប្រទេសធ្លាប់ជា«អ្នកមាន» លំដាប់ដំបូងក្នុងតំបន់អាមេរិកខាងត្បូងបានក្លាយជាប្រទេសក្រីក្រ កំណើនសេដ្ឋកិច្ចធ្លាក់ចុះ៤០ភាគរយគិតតាំងពីឆ្នាំ២០១៣មក ជាហេតុធ្វើឱ្យពលរដ្ឋVenezuela ១លាន៦សែននាក់បានភៀសខ្លួនចេញពីមាតុប្រទេសតាំងពីឆ្នាំ២០១៥ ព្រោះកង្វះស្បៀងអាហារនិងថ្នាំសង្កូវ៕
លីសា
