នៅថ្ងៃទី១៦ខែកញ្ញា វិមានប្រធានាធិបតីកូរ៉េខាងត្បូង (វិមានបៃតង) បានចេញសេចក្ដីប្រកាសបញ្ជីប្រតិភូអមដំណើរ ប្រធានាធិបតីកូរ៉េខាងត្បូងទៅទស្សនកិច្ចក្រុងព្យុងយ៉ាងក្នុងសប្តាហ៍នេះ ក្នុងនោះក្រៅពីឥស្សរជននយោបាយ នៅមានមេដឹកនាំសម្ព័ន្ធក្រុមហ៊ុនធំៗរបស់កូរ៉េខាងត្បូង។ សរុបប្រតិភូនេះរួមមាន៥២នាក់ ក្នុងនោះប្រតិភូជាន់ខ្ពស់ផ្លូវរដ្ឋរួមមាន១៤នាក់ប៉ុណ្ណោះ។ ក្រៅពីអ្នកជំនួញ ក៏នៅមានជនល្បីល្បាញក្នុងវិស័យកម្សាន្ដ ដូចជាតារាចម្រៀងAilee ផលិតកម្មភាពយន្ដ Zico។ ប្រសិនបើគិតទាំងប្រព័ន្ធផ្សព្វផ្សាយ នោះប្រតិភូលើកនេះមានសមាជិក២០០នាក់។
តាមផែនការ លោកMoon Jae-in និងប្រតិភូទស្សនកិច្ចក្រុងព្យុងយ៉ាងរយៈពេលពីថ្ងៃទី18-19/9 កញ្ញា ដើម្បីដំណើរការជំនួបកំពូលលើកទី៣ក្នុងឆ្នាំនេះជាមួយមេដឹកនាំកូរ៉េខាងជើងKim Jong-un ។
ប្រតិភូនាំមុខមួយបានចេញដំណើរទៅកាន់កូរ៉េខាងជើងតាំងពីព្រឹកថ្ងៃទី១៦កញ្ញា មានគ្នា៩៣នាក់ ដឹកនាំដោយលេខាធិការ ប្រធានាធិបតីកូរ៉េខាងត្បូង Seo Ho ដើម្បីសហការជាមួយភាគីកូរ៉េខាងជើងត្រៀមលក្ខណៈចាំបាច់សម្រាប់ជំនួបកំពូល។
កាសែតRodong Sinmun ស្ថាប័ននាំពាក្យរបស់បក្សពលករកូរ៉េបានវាយតម្លៃចំពោះការយកចិត្តទុកដាក់ដល់សន្និសីទ កំពូលអន្តរកូរ៉េពុំដែលឃើញមានបែបនេះឡើយ ហើយភាគីទាំងសងខាងប្រាកដជានឹងអាចស្ថាបនា«ប្រទេសជាតិមួយរឹងមាំនិងឯកភាព» តាមរយៈការរក្សាបរិយាកាសសន្តិភាពនៅឧបទ្វីបនេះ៕
លីសា
