នេះជាពិធីបុណ្យសាសនាដ៏ចម្លែកមួយនៅក្នុងប្រទេសឥណ្ឌា ដោយអ្នកកាន់សាសនាឥណ្ឌូបានយកភ្លើងគប់គ្នា ដែលមើលទៅគួរឲ្យគ្រោះថ្នាក់។
ពិធីបុណ្យនោះប្រារព្ធធ្វើឡើងរយៈពេល ៨ថ្ងៃ ជារៀងរាល់ខែមេសា ដើម្បីជាការបូជាដល់ព្រះ Durga។ ជារៀងរាល់ឆ្នាំ អ្នកគោរពប្រតិបត្តិសាសនាឥណ្ឌូរាប់រយនាក់បានចូលរួមប្រារព្ធពិធីសាសនា Agni Keli ដោយអ្នកចូលរួម បានយកឈើដែលមានដុតភ្លើងគប់គ្នា។
ការគប់ភ្លើងដាក់គ្នា ត្រូវមានអ្នកចូលរួម ២ក្រុម ដោយធ្វើការគប់ភ្លើងប្រឆាំងគ្នាទៅវិញទៅមក ក្នុងចំណាយពី ៩ ទៅ ១៥ម៉ែត្រ។
អ្នកចូលរួមមិនមានពាក់អាវនោះទេ ដោយគ្រាន់តែមានពឹងកន្សែងផ្នែកខាងក្រោម ហើយអ្នកដែលចូលរួមអាចធ្វើការគប់ឈើភ្លើងបានចំនួនតែ ៥ដងប៉ុណ្ណោះ។ ចំពោះការគប់ភ្លើងដាក់គ្នានេះវិញ គេធ្វើឡើងតែក្នុងរយៈពេល ៥នាទីប៉ុណ្ណោះ។
ពិធីបុណ្យនេះ មានមនុស្សរាប់ពាន់នាក់ចូលរួមទស្សនា។ ប្រសិនជាមានអ្នកណាចង់ចូលរួម ពួកគេ ត្រូវធ្វើការតបអាហាររយៈពេល ១ខែមុន ហើយក្នុងកំឡុងពេលតបអាហារ គេមិនអនុញ្ញាតិឲ្យបរិភោគសាច់នោះទេ៕ សុភ័ក្ត្រ