យន្ដហោះBoeing 747-8 ដែលមានការតុបតែងលំអដូចសណ្ឋាគារផ្កាយ៥ ត្រូវបានមហាក្សត្រ Qatar កាដូឱ្យប្រទេសTurkey។
មហាក្សត្រ Qatar, Tamin bin Hamad Al Thani ទើបកាដូឱ្យរដ្ឋាភិបាលTurkey នូវយន្ដហោះ Boeing 747- 8 VIP ឯកជនធំបំផុតនិងថ្លៃបំផុតពិភពលោក។នេះគឺជាការថ្លែងអំណរគុណរបស់មហាកត្រQata ចំពោះប្រទេសTurkey ដែលបានគាំទ្រខ្លួនក្នុងវិបត្តិការទូតជាមួយបណ្ដាប្រទេសនៅតំបន់ឈូងសមុទ្រពែរ្ស។យន្តហោះ Boeing 747-8 បានចុះសំចតនៅព្រលានយន្ដហោះSabiha Gokcen នៅ ក្រុងIstanbul បន្ទាប់ពីវាហោះហើរពីបារាំងកាលពីថ្ងៃទី១៤កញ្ញា។
យន្ដហោះនេះដឹកបានអ្នកដំណើរ៧៦នាក់ និងសមាជិកក្រុមហោះហើរ១៨នាក់ ព្រោះតែថ្វីត្បិតវាមានបណ្ដាយដល់ទៅ៧៦ម៉ែត្រក្ដី ប៉ុន្ដែត្រូវបានគេរៀបចំ រចនាឡើងវិញឱ្យមានបន្ទប់ប្រជុំ, បន្ទប់ដេកបន្ទប់អាហារនិងរួមទាំងមន្ទីរពេទ្យតូចមួយផង។
ថ្វីត្បិតតម្លៃវាពុំត្រូវបានគេទម្លាយចេញក្តី ប៉ុន្ដែតាមអ្នកជំនាញបានវាយតម្លៃប្រមាណ៤០០លានដុល្លារ
គួររំលឹកថា កាលពីខែមុនក្នុងដំណើរទស្សនកិច្ចទៅកាន់ Ankara,របស់ប្រធានាធិបតី Turkey មហាក្សត្រTamin bin Hamad Al Thani បានលើកសំណើវិនិយោគផ្ទាល់ទៅកាន់ប្រទសនេះដែលមានទឹកប្រាក់ដល់ទៅ១៥ពាន់លានដុល្លារដល់ប្រទេសTurkey៕
លីសា