នេះជាខណៈពេលដ៏គួរឲ្យរន្ធត់មួយ នៅពេលទឹកសមុទ្របានវាយប្រហារបុកទម្លុះជញ្ជាំងកញ្ចក់សណ្ឋាគារប្រណីតមួយ និងបង្កឲ្យជន់លិចសាលបរិភោគអាហារតែម្តង កាលពីថ្ងៃអាទិត្យ (១៦ កញ្ញា) ។
ភ្ញៀវសណ្ឋាគារបានស្រែកយ៉ាងរន្ធត់ ទៅនឹងស្ថានភាពជញ្ជាំងកញ្ចក់បាក់ស្រុតទាំងស្រុង និងបន្ទាប់មក បានត្រឹមសម្លឹងដ៏ស្រឡាំងកាំង ខណៈទឹកសមុទ្រ និងបំណែកបាក់បែក បានហូរចូលក្នុងបន្ទប់ទទួលទានអាហាររបស់សណ្ឋាគាររមណីយដ្ឋាន Sheraton Dameisha នៅក្នុងទីក្រុង Shezen ប្រទេសចិន ។
គួរបញ្ជាក់ថា ព្យុះកំណាច Mangkhut ឥឡូវនេះ បានបង្កឲ្យបាក់ដី នៅក្នុងខេត្ត Guangdong ដែលជាខេត្តដែលមានប្រជាជនច្រើនបំផុតនៅក្នុងប្រទេសចិន បន្ទាប់ពីបំផ្លិចបំផ្លាញនៅក្នុងទីក្រុងហុងកុង, Shenzhen និងម៉ាកាវ និងសម្លាប់មនុស្សអស់រាប់សិបនាក់ នៅក្នុងប្រទេសហ្វីលីពីន ៕ ឧត្តម